[اوم حمود]

السلام عليكم ورحمه الله وبركاتووو

شحالكم بناات انا يديدة ومو يديدة عندكم هاي ثالث حمل ليا لكني انا من اول حمل كنت دووم ادخل منتداكم واقرا المواضيع وتوي تشجعت اكتب لكم اني احترت صراحه

مثل ما قلت لكم هاي ثالث حمل لي يعني اعراض الحمل والوحام مو يديدة عليا لكن بهالحمل من اول شهر كنت احس بتعب مو طبيعي والوحام كمل معاي لين الخامس وحياتكم ما كنت اقدر اكل الا وجبه وحدة باليوم وهيا وجبه الغدى واذا كنت عند برع مثلا وتعشيت ما اقدر انام لين ارجع كل اللي ببطني

غير الوحام من الثالث ما اقدر اصلي وانا قايمه احس بحاجه تضغط تحت وتشد لتحت

ومع الاعراض اللي احس فيها والاحلام اني حامل بتوام وبطني اللي كبيرة اللي خلت الكل يشك اني حامل بتوام

مع اني سويت سونار وقالت لي الدكتورة واحد


امانه حوامل امنتكم بالله مين حست بنفس اعراضي يعني اللي احس فيه عاادي ولا اوسوس زياده