طبخت على الغداء شوربة عدس مرره طعمه
وشاورمااا دجاج
وصحن مقبلات شوية ورق عنب ومتبل وحمص وبابا غنوج
شوربة العدس
كوب وثلاث ارباع عدس اصفر
بصله
3فص ثوم
بندوره مطحونه
شويه كركم
احطها بقدر على النار واخليها تغلي لين تستوي
ثم اطحنها بالخلاط وارجعها للقدر ثاني مره ثم اكون مقطعه صدر جداج احطه على الشوربه واقصر النار عليها
واحط شويه شعيريه ومغلف شوربة ماجي
وواوطي النار عليهااا
اما الشاورمااا
شاورما الهنوف الخبز
"بالاكواب والملاعق المعيارية"
٣ ك طحين
١/٢ ١ م ك سكر
رشة ملح
١/٢ بيالة زيت
١ م ك خميرة تذوّب في كوب موية دافيه
١ بيضة
العجينه طلعت معاي رخوة شوي فـ زدت لها طحين شوي لين ماتماسكت وكملت عجن بالـ يد مع طحين
نتركها تخمر ١٠ - ١٥ دقيقة
بهالوقت تبلت الدجاج
صحن صدور دجاج مقطع شرايح رفيعه
علبة زبادي
فلفل اسود
عصير ليمونة
شوي كمون مطحون + كزبرة مطحونه
نغطيه وندخله الثلاجه عـ بال مانخلص الخبز
العجينه سوت معاي ١٢ كورة عجينه حجمها متوسط
نفردها رقيــــــــقه مره يعني خلاص تقريبا تصير شفافه من الفرد وحتى الاطراف عشان لا يصير الساندوتش معجنة اطرافه
ندهن الصاج التيفال الحجم الكبير بـ مسحة زيت ونحميها على نار عالية
قبل لا تحطين الخبزة تاكدي انك مسحتي الطحين الزايد منها عشان لا يحرق
حطيها و وطي النار على طول .. اول ماتظهر فقاعات على السطح اقلبيها ما تاخذ وقت ابد
و لو انتفخت الخبزة اضغطيها بالملعقه او افقعي الفقاعه من الهوا
على طول حطيها في حافظة وسكريها زين عشان لا تيبس
و كملي الباقي .. على نار هادية
نحمس بصل شرايح مع ٢ ثوم لين ما يذبل بعدين نضيف الدجاج و نص ماجي نخليه على نار هادية لين ماتنشف مويته
نعدل الملح لو يحتاج .. نخليه يبرد بعدين نضيف ملعقتين كبار طحينه ونقلب زين
ندهن الخبزة بـ مايونيز .. احلى شي هاينز
بعدين شرايح جبن " شريحه الجبن اقسمها ٤ شرايح بالطول واحط ٢ في كل خبزة"
خس مفروم
الدجاج
بطاطس مقلي
مخلل خيار
نلفها بهالشكل .. نلفها بـ ورق الشاورما .. نقصها بالنص
