واضح انك انسانه اجتماعيه وودوده وفيك الخير
عموما البنات ماقصروا وانا أييد انك تتركينها بظروفها وماتستعجلين
لان الغالب في الوقت الحالي اصبحت الجيرة جيرة جدران مو انسان ولا احد عنده استعداد يتقبل الاخر الا ماندر وعشان ماتحطي نفسك بموقف بايخ او رفض.. الواجب هم يزورونك وبعدها يجي دورك
لكن عندي تعليق بخصوص كلمة ذكرتيها بردك الاخير ( يوقفون معي بالظروف )
ونصيحة من اخت جربت وعرفت جيران سواء جيران قدامى من صغري الى زواجي او جيران بعد الزواج علاقتك مع زوجك نهائي لاتجيبين سيرتها وخصوصا المشاكل وحتى الافراح تجنبي الشر قبل وقوعه وتاكدي ان اضعف الايمان راح تكون سيرتك وقصصك تسلية يوميه في جمعاتهم حتى لو من باب الدردشة على حساب خصوصيتك وحياتك الخاصه وزيادة عليها بهارات وتحليلات ....
ولايخلو الامر ان الوحده منا تمر بظروف احيان تحتاج تفضفض لاقرب شخص او اول شخص تقابله بس تبعات هالموضوع لاتحمد عقباها واذا ماتاثرتي بارائهم سواءا كانت سلبيه او ايجابيه راح تتاثري بعوائدهم وطبيعة عشرتهم مع ازواجهم والي تختلف تماما عن تجربتك وظروفك وشخصية زوجك وشخصيتك