اهلا والحمدلله عالسلامه
انا بنصحك تجربي هاي الطريقه حتى تشجعي ابنك عالرضاعه
وهيي بتحفز فطرة الرضاعه عند المولود الجديد
حاولي تسندي جسمك عصوفا او في سريرك تكوني مش مسطحه ومش وضعية
جلوس اكشفي الثديين والصدر وضعي مولودك بطنه على بطنك الاحسن ما يكون في ملابس بينكم
حتى يحس بحرارة جسمك. حاولي تصحي طفلك بحركات عالقدمين. الطفل عادة بحرك راسه باتجاه
الثدي من الرائحه. وجهي ابنك وساعديه ممكن تعصري قليل من الحليب بايديك وتعطيها لطفلك بمعلقه
حتى تحسسيه بطعم الجليب. هلا نوم طفلك ممكن يكون من ادويه اخذتيها اثناء الولاده او من الصفار
الرضاعه ضروري للتخلص من الصفار .اذا استمر الصفار خمس ايام لازم تراجعي الطبيب حتى يتعالج بالضوء وبيعطوه سوائل.
جربي الوضعيه هاي في الرضاعه هاي وضعيه جديده وكثير بوصوا فيها ممكن تحضري فيديوهات عن وضعيات الرضاعه
عاليوتيوب اذا انتي اول مره عند ك طفل. الرضاعه بدها شغل منك ومن طفلك وبتصير احسن بالممارسه.
الله يعطيكي الصحه والعافيه