السلام عليكم يا صبايا
حابه افضفض لكم شوي وتهونوا عليا شوي
اليوم جاتني الدوره ع موعدها الحمدلله ع كل حال
طبعا النفسيه زي الزفت مكتئبه وطفشاااااانه ومالي خلق احد يكلمني
انا عمري 33 وعندي بنتين جبتهم ورا بعض
الصغيره عمرها 4سنين ونص ربي يحفظهم ويبارك فيهم
نفسي اجيب لهم اخ وافرح وافرح زوجي وبناتي
صارلي تاركه المانع سنتين ونص
وكل شهر اتأمل الحمل ولكن ربي مايكتب لي
عملت تحاليل كثييييييره واكثر من مره وعند اكثر من دكتوره
والحمدلله سليمه ودورتي منتظمه
وزوجي عمل تحاليل واخذ فيتامينات وعملت له خلطة العسل مع حبوب اللقاح وغذاء الملكات
وخلطة مكسرات صار له شهرين ياخدهم
وحلمت من شهرين اني واقفه وفي وحده اخذت بذور وزرعتهم في الارض وقالت لي تراها بتنبت بعد 21 يوم
فسرته عند شيخ ثقه قالي بتحملي ان شاء الله خلال شهرين
عشان كذا تولعت اكثر وليل ونهار افكر في هذا الموضوع مهما حاولت اشغل نفسي
ادعوووا لي يابنات ربي يجبر بخاطري ويرزقني الحمل السليم المعافى بالذكر السليم المعافى البار الصالح عاجلا غير اجل
ويبارك لي في بناتي ويحفظهم
سامحوني طولت عليكم بس خرجت اللي بخاطري