[زوجة شوشو]

انا مثلك المعجون يسبب لي غثيان ويخليني استفرغ بعد .. واغلب الحوامل كذا
استخدمي المسواك .. والتفريش قللي كمية المعجون خليه بس مره قبل النوم ..
سمعت في معجون للحوامل مايسبب غثيان .. بس مادورته !

بالنسبه للغثيان بشكل عام في حبوب نافودوكسين كويسه قبل النوم .. ريحتني بالبدايه بس بعدين صرت استفرغ منها
وحلاوة البرميت او النعناع ، في حبوب زيها صرفتها لي الدكتوره تمصيها وتمضغيها اسمها موكسال تاخذيها بعد الوجبه او عند الحاجه
اللبان العربي او اللامي او المر .. برضو يهدي الغثيان ..

لا تشربي اي شي مع الاكل اشربي بين الوجبات بعد الاكل بنص ساعه عالاقل

اكل المطاعم والغازيات والقهوه والشاي والاكل الدسم والحلويات ابتعدي عنهم قدر الامكان لانهم يهيجون الغثيان وماترتاحين بسببهم كم يوم ..

كلي الاكلات المالحه تخفف الغثيان .. الخيار والتفاح يخففو الغثيان كمان ..

عالريق بسكويت مالح او بسكوت بالزنجبيل .. ولا تقومي على طول من السرير ارتاحي بعد ماتاكليدالبسكوت نص ساعه وقومي

الزنجبيل كويس للغثيان بس لا تشربي اكثر من فنجال واحد ويفضل يكون بارد مو حار ..

النعناع واليانسون مهدئات ومريحه للمعده

و حطي ببالك دايماً طالما في غثيان الجنين بخير ويكبر الحمد لله ..

راح يخف تقريباً اذا دخلتي الشهر الرابع ..

ان شاء الله ربي يخفف عننا ويريحنا ويسهل حملي وحملك