السلام عليكم اخواتي
انا حامل وهذا اول حمل لي هذا اليوم الثاني من غياب الدوره
المشكله انو صار بيني وبين زوجي شوية مشاكل وفكرت في الانفصال بس شي في نفسي قالي قبل الدوره ب 10 ايام جيبي تحليل حمل منزلي وجربي قبل ما تتخذين اي اجراء
انا اخر دوره اي كانت بدايتها بتاريخ 20 / 3 وطول دورتي 30 يوم وسويت تحليل حمل منزلي شريته من بووتس في
يو م10 /4 قبل الدوره الجايه ب 10 ايام الجهاز كندي واول مره اشوفه
المهم طلع لي خط خفيف جدا جدا يا دوب ينشاف حتى فكرت نفسي اتوهم لان كنت خايفه من فكرة الانفصال ولو صار وتم حملي ما راح افكر ابدا بالانفصال
بعدها بيومين جبت تحليل ثاني وطلع خط واضح شوي وبعدها بيوم ماني مصدقه جبت تحليل ثاني فرست ستيب الي يبين الحمل مش شرط في الصباح اي وقت من اليوم ب 23 وطلع خط ثاني واضح هذا قبل الدوره ب 7 ايام
بعدها بيوم جبت فرست ستيب ب 10 ريال الي التحليل لازم يكون في الصباح الباكر او ما تصحين من النوم وهذا كان قبل الدوره ب 6 ايام
بس في هذا طلع خط يا دووووب ينشاف جدا جدا جدا خفيف
المهم رحت عند الدكتوره يوم الخميس الي راح وقبل الدوره ب 5 ايام وسوت لي تحليل دم وطلع ايجابي والحمدلله طلع حمل وانا اموت بالاطفال ففرحت ونسيت كل شي
المشكله الاساسيه لم عرفت الدكتوره اني حللت قبل الدوره ب 10 ايام وطلع خط خفيف استغربت وتقول مستحيل وتقول انتي حاسبه غلط وانا متأكده من نفسي ووقت الدوره وقلت لها واستغربت سوت سونار لي ما ظهر لها شي وتقول لسا بدري
بعدين قالت لي احتياطاً لازم اسوي تحليل رقمي واذا طلع زايد كثير ممكن يكون حمل عنقودي يعني البويضه تلقحت بحيوان منوي مشوه وقالت بتتصل علي اذا طلعت النتيجه ولحد الان ما اتصلت ومشوار طويل مقدر اروح لها الحين بسبب شغلي
سؤوالي يا بنات طمنوني هل في وحده عرفت بحملها قبل 10 ايام من الدوره هذا شي مخيف او بس الدكتوره تخوفني وتبالغ
والمشكله في الحمل العنقودي انه خطير وممكن يتحول لسرطان اذا ما اكتشفوه بدري هذا الي قريت عنه في النت
الله يخليكم طمنوني من صار معها كذا واكتشفت بدري حملها
وشي ثاني قبل الدوره ب 4 ايام نزل علي دم بني زي نهاية الدوره خفيف جدا يومين ووقف
وقريت في النت انه ممكن يكون دو انغراس البويضه واذا كذا يعني البويضه توها انغرست كيف طلع نتيجه ايجابيه من بدري
والحين لي يومين بعد مرور الدوره وما جت وسويت تحليل فرست ستيب وطلع ايجابي خطين