يا ألله كانك تتكلمين عني بداية الزواااااااااااااااااااااج قلبتي مواجع دفنتها من زمان :( :(
شوفي انا مراح اتفلسف لاني عارفه حجم المعاناة ومريت فيها وكنت اتكلم مع الناس بس محد مستوعب وش معناته تعيشين مع شخص غير متصالح مع نفسه قبل مايكون متصالح معك
لكن بعد مرور فتره اكتشفت السبب !!!!!!!!!!
اولا لاحظي تعامله مع اهله واصحابه اذا كان مختلف تماما يعني المشكله في تعامله معك انتي بالذات مو معه كشخص واذا كانت هذي الاخلاق نفسها مع الجميع لايمكن تغيرينه ولا بعد عشرين سنه الا تمسكين عليه زلة تذلينه فيها ههههههه
احساس الشخص انه قوي وفارض سلطته على شخص اضعف منه هو نوع من الاحساس بالنقص والتعويض يكون للاسف ضحيته انتي
احساس الشخص انك تستحقين القتل والعذاب مراح يمنعه يمارس اقسى الاساليب الي يشوفها اقل من القتل بالكثير
احساس الشخص ان الزواج خرب عليه او نكد عليه او سبب له عدم ارتياح راح يفرغ شحناته السلبية في الطرف الاخر لانه يعتقد هي السبب
وفي كل الحالات هذا النوع لايمكن يحس بالذنب او انه على خطأ واكبر دليل مستمر بتصرفاته بدون ادنى رادع او وازع ديني
والحل ؟؟؟؟
اولا اتجهي الى الله واستخيري في بقاءك معه لان الله لو كاتب لك تستمرين معاه فهو كاتب لك خير وسعاده حتى لو تاجلت
ولو كاتب لك تنفصلين عنه اكيد هذي مصلحتك ولان الله وحده يعلم كمية الخساره النفسيه واثر هالعلاقة الغير متوازنه عليك مع مرور الوقت
ثانيا لاحظي وبتركيز طريقته وتعامله مع الاخرين واذا كانت العكس تماما لازم تواجهينه بضعفه وتصنعه امام الناس وتسلطه عليك بدون مبرر ولاحظي بالذات علاقة ابوه بأمه لو كانت بنفس الموال اذن تشرب الثقافه وطبقها عالواقع
ثالثا استنفذي كل الخطوات الي تأكد لك انه تزوجك بدون ضغوط لان الشخص اذا كان مجبر على زوجه مايبغاها او ماحبها وقلبه متعلق بغيرها للاسف مايعاقب اهله ولا الناس يعاقبها هي مع ان مالها ذنب
وبعد هذا كله خيريه بين حياة واحترام متبادل عشرة بالمعروف او تسريح باحسان ويمكن تتفاجئين انه متمسك فيه ومسالة وقت ويتغير باذن الله