[ملاك الليل]

ما شا الله ربي يتمم عليك على خير ،،،

ما عندي علم عن علاجك اللي مكتوب ، بس المنشطات تقريباً تاخذ من أسبوع وفوق حسب استجابتك ، أنا أخذتها 6 أيام وبعدها زادت الجرعة يومين بعد وبعدها بيوم الابرة التفجيرية والدكتورة تحدد وقتها وبعدها ب 36 ساعة يعني يوم واشوي يتم السحب، وكان يصادف اليوم 13 من الدورة بعد السحب بيوم تعرفي نتيجة التلقيح وكم بويضه ممتازة ويتحدد وقت الترجيع ويختلف حسب الحالة أنا رجعت اليوم الرابع وكانت تبي ترجعهم اليوم الخامس أو السادس بس كانت عندي ظروف لأني من منطقة ثانية ، الترجيع يصادف اليوم ال 16 من الدورة .

يعني تحتاجي أسبوعين علاج وبعدها أسبوعين انتظار ، وان شالله النتيجة تطلع تمام
المنشطات في نفس الوقت لازم تاخذيها عشان النتيجة تطلع ممتازة وممكن تقدمي ساعتين أو تأخري ساعتين واذا اخرتي او قدمتي خلاص تعتمدي على الوقت الجديد،

نجي للأثار الجابية :(
المنشطات تأثر ع الهرمونات في الجسم وممكن يتغير وزنك كثيرات زاد وزنهم ب ال10 وال 12 كيلو من اللي شفته في النت ، بس ما أدري عن نظامهم الغذائي وكيف عايشين ، الحمد لله أنا كنت أمشي كل يوم بعد ما آخذ الابره المنشطة يمكن ساعة كذا أو أكثر أحيانا ، وأشربي ماي كثير يوازن كل شي في جسمك ابعدي عن الغازيات والاكلات السريعة يعني باختصار خلك ع الاكل الصحي والفواكهه والخضار :)
أنا عندي تكيس (بويضات كثيرة وحجمها صغير) وآخذ جلوكوفاج عشانه وصار ممكن يجي لي فرط تنشيط فكانت الخطة أنه اذا صار فرط تنشيط وتضخم في المبايض بيتم السحب عادي وتتجمد البويضات وتترجع بعد شهر أو شهرين يعني لين يخف التضخم وصفت لي تقريبا مع الابرة التفجيرية مو ذاكرة بالضبط حبوب هي اصلا ل هرمون الحليب آخذها خمس أيام ورا بعض وهذا عشان ما يصر فرط التنشيط وقالت انها دراسة جديده ،،،

السحب : يمكن ياخذ ساعة ،تخدير كامل طبعا ، بالنسبة لي تعبني تقريبا يومين كان عندي انتفاخ وحركتي صعبة بعدين تمام ، وبعضهم يقولون عادي مغص أول ما يصحون من التخدير
الترجيع: سهل جدا يمكن 5 دقايق أو أكثر اشوي بدون تخدير

بالتوفيق ، وان شالله تطلع النتيجة كويسه

ربي لا تذرني فردا وأنت خير الوارثين