[Sakura fx]

السلام عليكم ورحمة الله

انا تقريبا دورتي الاخيرة كان عليها شهر و17 يوم

وحامل حسب الشريط بالاسبوع السادس وست ايام

بالاول ما كنت احس بالاعراض كثير تبع الوحام

بس شوية الام بالجانب الايسر

مؤخرا صرت احس بالم بالحلمات وكمان الغثيان ورغبة في التقيء

كان عندي شهية للاكل في الاول وعلى طول احس بالجوع واشتهي كل شيء

خاصة الحوامض والمملحات " الاشياء المالحة "

المشكل الان اني هذا الرغبة في القيء فقدتني شهيتي

ولا شيء صاير عاجبني .. وصرت اكل بنسبة قليلة جدا

مع العلم اني امنع نفسي من التقيء ما بحب نهائيا ارجع ولا عمري رجعت بحياتي لخوفي من هالشيء

والاشياء الي بتعجبني كلها منعتها عني الطبيبة لاني اعاني من القولون العصبي والغازات

احب السباكيتي والاندومي والكسكس المغربي واللبن " مش الحليب " انما حليب تم تختيره وبعدين مخضه واستخراج الزبدة منه ما بعرف شو تسمونه

والاعاصير المصنعة ..

طبعا انا امتنعت عن كل هالاشياء والباقي ما بحب اكله ومش يفتح شهيتي وكثير محتارة شو اعمل

اخاف قلة اكلي تاثر على البيبي وخاصة اني في فترة لازم اعتني فيها بحالي كثير

لانه كان عندي افرازات والدكتورة واصفة الي مثبتات وفيتامينات وراحة وموعدي بكرا علشان اراجعها ..


سؤال أخير ، لما رحت عندها من 15 يوم بين بالسونار بس كيس صغير فارغ وقالت ببداية الحمل هيك يبين

ارجعي بعد 15 يوم ونعيد السونار ،، من جربت هيك شي وبعد 15 يوم بين معها الجنين او حتى بداية نموه وتغير شكله

بنظركم كام راح يكون كبر

انا خايفة اروح وما يبين معي الا كيس فارغ مثل المرة الي فايتة

وانا نفسي اطمن على الجنين