[ميدوري]

نصيحتي لكم و لا وحدة تقول طفشت و خلاص ابغى اولد .. لا لا .. خلي البيبي يكبر في بطنك لاقصى حد ممكن

انا ما جربت شعور الشهر التاسع و لا جربت الطلق و لا اعرفه و طبعا مرعوبه من الولادة
و حتى ما جربت مراحل الحمل زي العالم و الناس و لا حتى حركة البيبي

بس امنيتي اكمل تسعه شهور و اولد طفل كامل و بصحة و عافية ... دعواتكم لي

ولادتي الاولى و الوحيدة كانت مبكره و لاني بكريه و ما ادري وش صاير بالدنيا ما كنت اعرف انها ولادة للحظة ماولدت خخخ
ولدت بعمليه ،،، و لا جاني طلق ولا شي

بس يوم ولادتي كنت سهرانه و لما جيت بنام بعد صلاه الصبح حسيت بغثيان
و انا مو عارفه انام و بعدها اوجاع خفيفه و محتمله اقل من وجع الدوره
و بما اني كنت بالشهر السابع قلت اكيد هذه التقلصات الي يقول تجي بالسابع و كل شي طبيعي

نمت بصعوبه مرره و الالم كان محتمل بس حاسه بغثيان شديد ،،، لين العصر الالم يروح و يجي بس كان بسيط
اذكر يومها حسيت شكل بطني تغير و توقعت السبب ان البيبي غير و ضعيته و فرحت .. لان كان مقعدي و لاني ببداية السابع و قالوا لي ممكن يتعدل وضعه

العصر نزل مني افرازات بنيه كانه دم و مره قليل و بعدها رحت للدكتوره الي اتابع معها و قالت الرحم مفتوح 2 سم
و حولتني مستشفى حكومي و ماقالت و لاده و لا شي
بس قالت بنوديك بالاسعاف و لازم تروحي الطوارى بسرعه و تسوي تخطيط
و انا رفضت اروح بسياره اسعاف خخ قلت مافيني شي ليش اروح بالاسعاف

طبعا ما كنت متوقعه انها و لاده و لا واحد بالميه سمعت ناس يفتح عندهم الرحم واحد و اثنين و ما في ولاده لنهاية التاسع

و من بدايه حملي اسمع البكريه تطول و و انا اخذت مثبتات بدايه حملي و سمعت ان الي تاخذ مثبتات تتاخر و لادتها
فتوقعت اكمل التاسع وزياده ... فما تهتموا بكلام العالم ان البكريه لازم تكمل شهرها

المهم وقعت اني مابروح بالاسعاف ورحنا المستشفى و هناك صرت بحال مايعلم فيه الا ربي
كشفوا علي بالطوارى علطوول قالت الدكتوره ولاده مبكره ... وصار جسمي كله يرجف ما قدرت اوقف الرجفه و دموعي تنزل مو من الالم بس من الخوف ع البيبي لان مرره بدري

رحت قسم الولاده و طلع نبض البيبي ضعيف و هو مقعدي و نازل بالحوض ورغم انه حجمه صغير قرورو لي علميه و فورا
و انا ابغى افكر استوعب ... و الدكتور تقول لازم عمليه بسرعه
علشان الضغط كان عندي مرتفع و البيبي تعبان
و علطول دخلت غرفه العمليات وولدت و الحمد الله ع كل حال ...
تعبت كثير مع البيبي نفسيا وجسديا بس الحين هو بخير و احمد ربي مليوون مره ع هالشي
وقت ما كانوا بيخدروني للعمليه كنت بس ادعي له و مافكرت بنفسي ابدا ... لان الولد غالي و بكره تعرفوا كيف الاحساس ،،،
كان وضع صعب و تعب نفسي وطفلي بالحضانه بين الحياة و الموت ..
شعور ما اتمناه لاحد ابدا ... بس الحمد الله ربي سلمه و كتب له عمر

كان فلم رعب يووومها .. رحت ابدل ملابسي قبل العمليه و دخلت ابدل و ما كان ودي اخرج لهم
و حالتي قبل العمليه بس ارجف و دموعي تنزل و الممرضات يفتكروا فيني طلق و اتالم و انا بس الخوووف قتلني


المصيبه ماعرفنا سبب لولادتي المبكره و هالشي مخوفني ...
ما كان في طلق و لا كان في تسمم حمل و لا اجهدت نفسي بالعكس قبلها كنت ماخذه اجازه و مرتاحه ع الاخر و طول فتره حملي ما ارتفع عندي الضغط و لاكان في اسباب نفسيه تخليه يرتفع فجاه

و حاليا حامل ربي يتمم لنا ع خييير
و خايفه مرره من الولاده الطبيعيه و الطلق لاني ماقد جربتها و اقول يمكن العمليه ارحم من خوووفي
بس التعب بعد العمليه صعب و خايفه بعد من ولاده مبكره لا سمح الله

نفسيتي مررره سيئه و اقول مابيصير غير الا ربي كاتبه بس النفسيه ابدا مو راضيه تتحسن
خاصه ان عندي طفل لسه صغير و شاغلني و ما اتخيل كيف بيكون الوضع مع طفلين ،،،
اه ماصدقت كبر شووووي و اتحسن وضعي شوووي


حكيت لكم قصه حياااتي
يمكن لاني طول اليووم مكبوته و الحين اخيرا نام كتوكتي و ظليت لوحدي فجيت افضفض عندكم