ساكورا حبي انا ما اقصد تاكلين اللي كتبته فوق كلله
انتي قسميها
الصباح توست و كاسة حليب بيكون فطور صح
و مابين الفطور و الغداء فاكهه لو وحده او ثنتين
او كاس عصير برتقال
غداج اما رز مع لحم او دجاجه لو ربع دجاجه و كاس رز
ماتبين تطبخين اسلقي لنفسك بيضه و سلطه خضراء و اكليها و اعملي لج شوربه
سهله قطعي البصل و احمسيها مع زيت زيتون و تالي اضيفي الطماطم و حركي قليلا
و اتبعيها بجزر مكعبات و بطاطس مكعبات و كوسة مكعبات اذا تحبين الكوسة واخلطي
و اضيفي المويه المغليه و الملح و خليها تغلي الى ان ينضج اذا حابه اضيفي مقدار قلييل من المعكرونه الصغيره قد يدج بس اضافه و خليها ينضج معها يمكن تاخذ ساعه الى ساعه الا ربع ما تطول ومفيده
العشاء كبده و اقلي لج وياها بطاطس وتناوليهم مع الخبز
هيك بتكوني فدتي الجنين و فدتي نفسج
الشوربه اذا بقت منها عادي بعد ماتبرد حطيها بالثلاجه لبوكره و طلعيها من وقت وسخنيها على فكره الشوربه خيال مع الليمون
ولا تنسين حمض الفوليك كل يوم حبه تاكلينها
و الحساسيه اللي تعنين منها ان شاء الله مع التغذيه المناسبه تروح منج
وعذرا اذا طولت عليج