[ام قمر وضياء]

طفلي ضياء وقمر عمرهم 5سنوات
ضياء دايم يضرب اخته لاتفه الاسباب
مره كانو جالسين يتفرجون في التلفزيون
قام ضياء ضرب اخته وسك التلفزيون وراح يلعب
بالالعاب وقمر سوت الي سواه اخوها وقام ضربها
وقل لاتقليديني واخذ العابها وشلها في الدولاب وصكه
بالمفتاح. رحت عنده وقلت له ضياء هذي اختك ولازم
تحبها ترى هي تحبك شوف ساكته ماتعلم ابوك عليك
عشان مايضربك. وراح اعطها العابها وجلسو يلعبون
ومرة رحت الروضة قالت لي المعلمة ضياء ضرب قمر واخذ
مصروفها.وراح اشترى بمصروفه ومصروف اخته شوفي حل.
ومشرفة الباص تقول يضرب اخته وقومها من مكانها.
وابوهم مرة جاب دب لقمر وسيارة لضياء. وحلويات لهم الاثنين
وبس خرج من الباب. قام يضارب اخته ودس دب اخته وحلوياتها
وجات عندي قمر وقالت ماما خلي ضياء يعطيني حلوياتي ودبي
وانا ماابغى اعلم بابا عشان ما يضربه.وشكل ضياء سمعها وراح جاب الدب
حقها وحلويتها وصارو اصحاب
وانا اذا هاوشت قمر جاء خاصمني
واذا هاوشت ضياء تقول بعلم بابا يضربك.
تتوقعون هذه غيرة ولا عشان هو ولد وهي بنت
ومسوي نفسه القوي.