[منتظره لحلم الأمومه]

السلامـ عليكمـ حبيباتي

في موضوعي هذا حابه أسأل عن شغله

ولكن قبل بقول لكم قصتي للي مايعرفها بشكل مختصر

انا صار لي متزوجه 3 سنوات ونص

وخلال هالثلاث سنوات حملت ثلاث مرات وكلهم مالله كتب يتمو وأسقطتهم والحمدلله ع كل حال

أخر إجهاض لي من عشر شهور

ومن خمس شهور بديت احاول بالحمل للكن للحين مالله كتب لي :(

علما أني ماأخذت أي مانع حمل وأثنين من حملي اللي قبل كانو بكتبة الله يعني مو مخططه لهم

لكن الحين ليش كذا مادري !!!

وهالأسبوع توكلت ع الله وقلت لازم أحلل وخصوصا أن دورتي بمجرد فكرت أحمل بدت تتخربط بكل شهر

وحللت تحاليل ثالث يوم دوره

- هرمون FSH : وهو هرمون مهم جدا يوضح مخزون المبيض من البويضات ويتحكم فى نمو البويضات

وكانت النتيجه 4.2 ( 3.03 - 8.08 )

يعني الحممدلله المخزون عندي كويس

لكن الشي اللي خوفني هو

هرمون LH :وهوالهرمون المسئول عن أنضاج البويضات التى تم نموها من قبل بهرمون FSH وحدوث التبويض.

نتيجته كانت 3.73 والحد الأدنى المفروض( 5.16 ) يعني أقل من الطبيعي

بحثت في النت دايما يكتبو عن أسباب إرتفاع الهرمون لكن ماشفت شنو أسباب إننخفاضه

السؤال هل ممكن يكون هو السبب في تأخر حملي او لا ؟؟!

واللي مثل حالتي يالييييت تقول لي شنو سوت وحملت ؟

طبعا انا سمعت وايد عن عشبة الميرميه والبردقوش في تنظيم الهرمونات

والحمل بإذن الله وتوني أمس أبدي فيها

والله يكتب لي وكل مشتهيه الحمل السليم التام هذا الشهر يارب

وأعتذرررررر جدا على الإطاله