لا تتحطمي ولاشئ وعسى ان تكرهوا شيئا وهو خير لكم ..
وحبوب منع الحمل مالها علاقة بتأخر حملك .. انسي هالنقطة ..
اول شئ عشان تتابعي طبيا صح خلي زوجك يحلل ..
لأن كثيييييير يتأخروا ويكون اخر شي فكروا فيه تحليل الزوج ويطلع هو السبب
طبعا مولازم يكون في سبب بس العمل بالاسباب افضل ..
الشئ الثاني تروحي للدكتورة وتعملي تحاليل ثاني يوم بالدورة ) هرمونات التبويض + هرمون الغدة الدرقية + هرمون الحليب ( حتى لو دورتك منتظمة تسويها .. ليه ? لأن ممكن تكون منتظمة لكن البويضة اللي تنتج غير صالحة للاخصاب بسبب الهرمونات فانت راح تتأكدي من هالشي بالتحاليل .. السونار يوضح مقاسات حجم البويضة فقط لاتكوينها وصلاحيتها ..
الشئ الثالث سويتي كل هذا وماشالله كل شئ تمام .. اذن حمدلله ..
تابعي التبويض مع الطبيبة حتى يوم التبويض او اشتري جهاز اختبار التبويض المنزلي
وان ماصار حمل اول شهر خذي تنشيط الشهر اللي بعده مع الطبيبة
وطبعا خذي فيتامينات مثل الفوليك و الرويال جلي مفيدة للتبويض .. الفوليك خذيه ع طول .. الرويال جيلي خذيه عشر ايام من اول الدورة بس ..
فرضا لاقدر الله مر كذا شهر وماصار حمل .. سوي اشعة الصبغة للتأكد من سلامة الانابيب + تحليل الاجسام المضادة ) خاصة ان سبق اجهضتي ( ..
طبعا بامكانك تسوينها بعد ماتتاكدي ان الهرمونات سليمة
بس هذا المعتاد بالترتيب حسب اشهر المشاكل الشائعة لتاخر الحمل ..
حطي ببالك ان الاطباء يعطون الحمل الطبيعي فرصة سنة مايعتبر فيها انه تأخر
وانت السنة الاولى تعتبر منعت الحمل بها يعني ماتأخرتي كثير ..
وراعي لو لجأت للتنشيط يكون شهر ايوة شهر لا حتى ماتضري نفسك وانت سليمة ..
والله يكتبلك كل خير ومايحوجك لهالحوسة ابد يارب ♥