[Rwabi_2]

اشكر كل وحده دعت لي الحمد لله ولدت بالسلامه وجبت بنوته وطبيعي الحمد لله

كان موعدي يوم الخميس ورفضت اروح قلت بخليها بعد العيد اللي يوم الاحد بس ربي كتب اني اولد قبل

يوم الثلاثاء بالليل اشتهيت ارقص ورقصت وكثرت بالرقص هههههههه
ونمت ولما صحبت حسيت بمغص بس خفيف مثل الدوره وبعدين نزل مني دم فقررت اروح المغرب بعد ما اجهز ولدي وازين شنطته ورحت للمستشفى وزاكان فيني طلق قوي كشفت علي دكتورة الطوارئ قالت واحد صانتي وقالت لازم تنويم لانك قبل عمليه ومطوفه موعدك خمس ايام فرقيت وانسدحت وكنت دايخه قريت صورة مريم وكنت من يوم وانا بالبيت وانا اقرها لحد ماجاني النوم ونمت وكنت كل ماجتني الطلقه اصحى واخذ شهيق وزفير واقرا الزلزله وارجع انام وكنت ادعي ربي بعدين حسيت كانو شي طق ونزل مني شي زي تكرمون البول وبدت تنزل معي المويات طبعا ما عطوني اي شي لان كنت مسويه عمليه ومخليني على راحتي بس سبحان الله كنت نايمه واصحى على الطلقه وارجع انام جت الدكتوره الصبح قالت فاتح اثنين لو ماولدتي راح نولدك قيصري وكنت مو مهتمه وبصراحه قلتلها ايه ابي قيصري لاني مليت لحد ماصار الساعه عشر الصبح حطو لي قصطره على انو عمليتي بعد ساع وانا كنت انام وما اصحى الا على طلقه وارجع انام فعلا طلق ربي مريح الحمد لله انهم خلوني ماحاولو فيني بشي لحد ماجت الساعه 11 فحصني الدكتور علشان يقرر طبيعي ولا عمليه قالي لا فاتح اربعه مافي قيصري قلتله لا مابي ابي قيصري وراح وتركني وطبعا انا رجعت ونمت ههههههه لحد الساعه ثنتين وجت الدكتوره قالت وانتي تطلقين تحسي كانه بتدفين وكنت فعلا احس كاني بسوي براز تكرمون وكنت مابي اولد خايفه وكان الطلق متواصل لدرجة اني عجزت انام بس كان يحتمل مو لدرجت اني بموت كشفت علي قالت ماشاء الله تسع صانتي يالله ولاده وكنت خايفه اقولها لا مابي هههههه والمشكله اني اتكلم وانا انزل من السرير قالت انتي مش عيزه ونازله تركبي على الكرسي هههههههه دخلت الغرفه وحاولت ادفع مره مرتين تعذبت لحد ماخلاص مليت طلعت كل طاقتي لين طلعت بنوتتي الحمد لله ماتوقعت الموضوع بهالسهوله صدز تعبت شوي بس الحمد لله

بعد ماولدت وخيطوني وجلست مع بنتي ورضعتها واموري تمام فجاه حسيت بالم مثل الطلق قلت شكله البنج بدا يروح مفعوله وقمت من السرير علشان يطلعوني برا وكان اهلي واهل زوجي وزوجي برا ينتظروني بس كل ماقمت جتني دوخه وارجع انسدح لين جزمت وقمت وحسيت بدوخه قلت للسستر لاتروحين فيني دوخه وراحت وخلتني انا ماقدرت لا امسك السرير ولا الكرسي فطحت على الارض شالوني وقاسو ضغطي لقوه منخفض لاني جلست تقريبا لي يوم ما اكلت شي لانو قالو لي احتمال عمليه علشان كنت صايمه وبعد ما اكلت حسيت رجع الم اللي كنت احس فيه كانو طلق وكاني ادف وكان يالمني عطووني ادول مافاد اعطوني ابره وقالت ان شاء الله نص ساعه ويروح الالم وقررت اطلع لزوجي برا بس الالم كل ماله وهو يزود ماينقص وجت خالتي ام زوجي وخوات زوجي وانا بعز المي ولحد ما خلاص تعبت وبديت اصارخ وجت الدكتوره وكشفت علي من تحت قالت يالله رجعوها للكوشك وباين انهم منفجعين من شي كانت وحده تركيه مره جميله وطيوبه ودكتوره مصريه اللي سوت لي عمليه جابو لي الكرسي ركبت واقولهم فيني دوخه وتشنجت بالكرسي وجاء الاستشاري وقعد يهاوش في الدكتوره اللي مولدتني انا اغمى علي مره ثانيه داخل الكشك حق الولاده وقالو نبي نسوي لك عمليه فيكي تجمع دم او بالاصح واللي شاكه فيه ان الدكتوره ناسيه شي فيني فخدروني تخدير كامل وعملو لي تنظيف للرحم والحمد لله على كل حال