طريقة دكتورك معك ممتازة وصحيحة
الجلوكوفاج مهم والفوليك والفيتامينات
انصحك من قبل التنشيط باسبوع تاخذي حبة رويال جلي و حبة فيتامين سي..
ماتضرك وتفيد جودة البويضات باذن الله واستمري بها الى يوم السحب بس
ولاتشربي اي شي له مفعول تنشيط حتى لو طبيعي غير هالاشياء ..
انا تكيس مثلك وكان هذا اللي اتبعته ..
والاهم من هذا كله استخيري الله بكل خطوة تقلقي منها وتأكدي انك تكملي والله معاك بخيرته
ابدا لا تقلقي من اي نتيجة او اي شي يطلعلك بالنص حطي ببالك ان كله خيرة وانك متوكله ع الله
والله بيكون عند ظنك به ان تفائلتي خير بكل خطوة ووكلتي امرك له بيكرمك بالخير وهو اكرم الاكرمين ..
استعيني بالدعاء والصدقة واي لحظة تضعف فيها نفسك وتقلقي امسكي سجادتك صلي نافلة وادعي وتيقني ان الله بيستجيب لك ان يكتبلك الخير .. واقري الفاتحة 7 مرات ع ماء شربك لعلاجاتك بنيتها كرقية شرعية لك ..
لكن مادمتي 3 مرات ماحملتي بالتنشيط انصحك تسوي تحليل الاجسام المضادة الآن حتى لو الدكتور قالك ان مايحتاج .. وان كنت سويتيه مسبقا فخير وبركة ..
والله يسرلك ويتمملك امورك ع خير ♥