الغثيان والوحم موضوع منقول اعجبني للفائدة
الوحم والغثيان:
فتره الوحم تقريباً أسوأ مرحلة في الحمل.
ممكن يكون كره شديد لبعض الاكل او الاشخاص والاماكن والروائح ايضا ،،
وشهوه غريبه لشيء معين او لشيء غريب (فحم ،، رمل )
هذه الحاله طبيعيه لاتستغربين وبفضل الله لايستمر هـ الشي ، فتره وتعدي .
الترجيع متى تعرفين انه مو طبيعي..
ما يكون بس الصباح والي يطلع تحسونه من عصارة المعدة نفسها "الله يكرمكم"
فما عندكم إشكال .. لكن لما تجي وحدة طول اليوم ترجع وكل أكلها لا هذي
لازم مستشفى
بيقل اكلك وماتصيرين تشتهين وفيه من يشتهي وياكل لكن يرجع فينزل كم كيلو
في فتره الوحم..
حتى لو إستفرغتي إرجعي كولي لو شي بسيط لازم ترى عشان لا تطلع عصارة
المعدة حقتك وتتعبين زياده
اذا زاد معدل الترجيع عن 3 /4 مرات باليوم وبدون اكل لازم تروحين
لـ المستشفى يعطونك معذي وابر برمبران وابره فيتامين
انا دايم اخذهم يوم ورا يوم بفتره الوحم لحد ما اخف الحمد لله
الاكل في هذه الفتره:
الزبادي كليه كم يوم مرره ممتاز للمعده ..
اول ما تصحين خلي عند راسك بسكوت مالح بالزنجبيل او بسكوت موز..يهدي معدتك
قبل ماتقومي من السرير كولي منـه .. او اي شي جاف خبز اي شـي
ركزي على البساكيت الشابورة خبز التوست المحمص
لاتشـربين مويه الا بعد ما تصحين بساعتين
ولا تقومين من فراشك بسرعة ولا تشربين مويه بارده على فراغ ابدا.
افطـري ع شي خفيـف خبز توست وجبن ..
واي وقت ثاني سلطة خضار بالليل فقط
خذي لك خيار ياتقشرينها او بقشورها الي تحبينه ومع ملح وكليها
انا ما كنت آكل الا سلطة وشي خفيف باليوم مع عصير برتقال عشان
الهضم والامساك
كولي وجبات متفرقه كل ساعتين وجبه خفيفة: زبآدي وخيار, لبـن
,جبن,خبـز ,ورقيآآت ,فواكـه ,عصيرات
الفواكه ( موز - حبحب - عنب - كمثرى )وعصيرات فريش بداية
شهور الحمل .
ولاتكثـرين بأكلك فالوجبة الوحده نصيحه خليها شـوي شـوي مو
لازم تشبعـين اهم شي تتغذيـن لو بشي قليل
عليك بالزنجبيل الرطب مع شوي كمون(يقطع الوحم) بس الدكتورة تقول:
اذا تبغين الزنجبيل مايضرك وانتي حامل لا تشربينه ساخن خلية بالكوب لين يبرد
لا تجوعين نفسك ابد الجوع هو اللي يجيب الغثيان
عصير بلونا تفاح يريح بطريقه حلوة حبه باليوم
خلي معاك قارورة موية فيه مصاص وأشربي المويه شوي شوي لأنه هذا أهم
شي إنك تكثرين كمية المويه ، بس لا تشربينها مره وحده عشان
لا تقلب معدتك زود
السفرجل يخفف الوحم شوي يقطع زي سلطه الفواكه يهدي المعده..
واقري عن فوائده..
جربي التفآآآح كوجبة .. و الكورن الفليكس مع الحليب البآآآآرد
في بريطانيا الحوامل يستخدمون خل التفاح ضد قيء الصباح ملء ملعقة
من الخل مع ملء كوب ماء ويمزج جيداً ثم يشرب
ممنوعات في الاكل هذه الفترة:
غداك حاولـي ما يكون شي ثقيل لا فيه كشـنه ولا دجاج وبدون قلي
والوجبات الثقيلة لانها تسبب الغثيآن
ابعـدي عن القهوه والشاهي ,والشوكلاته,واللحوم البآردة ,والغازيآت
لانـه هالشيـاْ تزيد الغثيآن .. وزياده انها مو مفيده لك وماتنفعـك
ممنوعات اخرى:
إبعدي عن الروايح اللي تهيج الغثيان مثل : العطور القويه ، الطبخ والتكشين
إنتبهي من الشغل الكثير إرهاق لك وتعب
انصحك ب:
.أسمعي قرآن دائماً,,كثري دعاء واستغفار ..ولاتفكرين كثير بالوحم
وفكري انه بيكون لك طفل ينسيك هالتعب كله ..انزلي تقضي للبيبي
اذا تقدرين واطلعي او اقري كتب او مارسي أي هوايه اذا خف عنك..
ترى يغير من نفسيتك كثييييير .