السلام عليكم ورحمه الله
خواتي قبل لا ابدا حبيت اقولكم اني الحمدلله سليمه وماعندي
مشاكل في التبويض ولا الهرمونات واسوي فحص دوري كل شهرين
وآخر فحوصاتي وتحاليلي كانت بدايه شهر 9
دورتي منتظمه تقريبا يا تتقدم 3 أو 4 أيام أو تتأخر 3 أو 4 أيام
والحمدلله تبويضي ممتاز
الدوره لازم تنزل تاريخ 10 تسعه ميلادي قبل الدوره في اليوم 19 للدوره وبعد الجماع
نزل دم وردي خفيف يوم واختفى ويوم الدوره نزلت افرازات بنيه خفيفه وانتوا بكرامه لمدة 3 ايام
واليوم الرابع للدوره نزلت افرازات بنيه مع شوي دم
واليوم الخامس والسادس نفس الشي افرازات بنيه ومرات شوي تكون ورديه حمرا عالخفيف
وأنا دورتي كل شهر غزيره وأتعب منها وتنزل مع قطع أسفه عالوصف
والحين أيام الدوره تمر بدون ألم وإحساس والإفرازات خفيفه وما احس فيها
سويت تحليل منزلي ومافي حمل وسرت عند دكتورتي وسوت فحص داخلي
وقالت رحمك نظيف ومافي أي مشكله والي ينزل بنعتبره دوره
بس كيف دوره وبدون دم وين راح الدم!
تحليل الدم الهرموني مافي حمل ورحمي نظيف واليوم اليوم السابع ولازم اتطهر من يومين
والافرازات البنيه بعدها تنزل
وقالت مابعطيج حبوب تنزيل الدورة لأنه مافي شي في رحمي
بنات شو اسوي وايد خايفه لأنه الحمدلله ماعندي لخبطه في الهرمونات
شو تتوقعون معقوله حمل ؟! ويمكن يبين بعدين؟
ادعولي بالذريه الصالحه