مرحبا بنات قبل أيام بشرتكم بحملي بس الحمدالله على كل حال والله يعوضني أجهضت وما أدري شو السبب رغم إني كنت وايد مهتمه بحالي وبصحتي لدرجة إني قدمت على إجازة سنويه من دوامي عشان لا أعرض نفسي لتعب .
المهم رح اقول لكم معاناتي بيوم 8/25 عملت تحليل دم رقمي وتبين إني حامل وبعدها بيومين نزلت علي إفرازات بنيه غامقه وأحيانا فاتحه مع شوية خيوط حمرا رجعت لدكتورتي واعطتني دفاستون وأخذتها وتوقف الدم بعد أربع أيام وبتاريخ 9/7 صحيت الفجر والله يكرمكم دشيت الحمام لاقيت شوية دم أحمر بدون ما أحس بآلام خفت وأخذت دفاستون ونمت لطلوع الشمس ولما صحيت لاقيت الدم يتزايد خفت أكثر رحت مباشرة عند دكتورتي وعملتلي تحليل دم عشان تطمن لوجود هرمون الحمل والله يعلم شو صار بحالتي من قالت انه هرمون الحمل نزل سألتها شو سبب إجهاضي قالت رح اعملك سونار ونعرف شو السبب وعملتلي وقالت ماكو سبب إرادة الله فوق كل شي خذتني أمي بالليل عند المرخه وقالتلي كيس الحمل بعده موجود بس رح ينزل لانه عندك الياف بالرحم وحطت ايدها على ايدي تسمع النبض وقالت ضغطك عالي الضغط العالي هو سبب لإجهاضك استغربت من كلامها اشلون درت لاني أنا فعلا عندي ضغط عالي واشرب كل يوم حبه ضغط بس من عرفت اني حامل رحت لدكتور الي متابع معي ضغط الدم وخبرته بالحمل وقالي عادي خذي الحبه ماكو مشاكل بس خفت لاني أسمع انه دواء الصغط يقتل الجنين ووقفت الدواء من تلقاء نفسي الي محيرني اشلون الدكتوره مابينت الالياف بالسونار ؟ وشو علاج هالألياف ؟ وهل ممكن ينزل دم والكيس موجود ؟ وإذا نزل ممكن أحمل مباشرة بعد الإجهاض ؟ الله يخلوكم طمنوني لأني جدا تعبانه خايفه