[سفينة الغرام]

الحمدالله ياصبايا ولدت وع قبالكن يارب بالسلامة
واجاني احلا علي بالدنيا الله يحفظه ويحميه

رح احكيلكن قصة ولادتي
يوم الاربعاء كان عندي موعد عند دكتورتي
فحصت الطلق ونبض الجنين وقالتلي كل شي تمام
سألتني بتحبي افحصك داخلي قلتلا أي لأني كنت حاسي بطلق خفيف من الفجر وكان ينزل مني خيوط دم خفيفة يعني كنت حاسي انو اليوم بولد
فحصتني وطلع الرحم مفتوح 2 ونص سم
المهم رجعت عالبيت وصار يقوى الطلق للساعة 8 المسا صليت وقلت لجوزي يلا عالمشفى رحت للمشفى
كان مفتوح 3 سم ماتوقعت بس 3 سم بعد كل هالوجع
بعد ساعة اجت فحصتني القابلة والرحم مو راضي يفتح اكتر
حطولي طلق صناعي وهون بدا الوجع بعد نص ساعة تقريبا اجت وفتحت كيس المي وانا اصرخ من الوجع ماقدرت اتحمل صرت ادفع لتحت وناديت للقابلة فحصتني لقت مفتوح 10 سم وفورا ولدتني كانت الساعة 11 وربع بالليل والحمدالله ع كل شي تعذبت كتير بالطلق الصناعي
وتمزقت من تحت كتير خيطوني بدون تخدير من برا بس من جوا خدروني وخيطو التمزقات
من الساعة 11 وربع للساعة 1 الا تلت وهني عم يخيطو فيني
الحمدالله ع كل شي اهم شي كان عندي سلامة البيبي والحمدالله

بتعرفو لقيت الولادة التانية اصعب من الاولى بس الولادة التانية اسرع بكتير
حملي الاول ضليت يومين بالطلق والكيس انفتح لحالو والطلق كان طبيعي صح قوي بس قدرت اتحملو
اما الصناعي شفت الموت ماقدرت اتحملو
يلا يابنات ع قبالكن بولادة سهلة وميسرة بأذن الله