والمشكلة انو ما اتعلمت ولما حملت بحملي هادا الاخير على طول على النت وادور على خلطات وشغلات اتسهل الولادة
جبت حلتيتة وحضرتها ليوم الولادة وجبت كف مريم وسمعت عن خلطة الله يسامح اللي نزلتها
فيها شمر ونينخة وكمون ويانسون وحبة البركة ونسيت شو فيها كمان لازم الوحدة تاخدها بعد اسبوعين من التاسع
وانا لانو في الحملين السابقين ولدت بعد اسبوعين من التاسع اخدتها من اول يوم
والله لا يفرجي حد اللي صار فيي والله والله في بكري ما اتغلبت هيك اول شي كملت شهري وعمرها ما صارت معي
حتى في بكري ولدت بأول التاسع ....واجاني الطلق عمري ما شفت متلو ابيجي قوي قوي وبقول خلص رح اولد وبكون قريب كتير
من بعضو بس شوي وبصير يبعد ويخف ونزل عليي دم رحت المستشفى قالولي مفتوح 1سم بس ومن حد ما وصلت المستشفى
خف الطلق ورجعوني على البيت ومن حد ما رجعت البيت زاد الطلق وحمي وقلت خلص بولد في البيت ساعتين بس وصار يخف
وعلى هالحال والله 3 ايام وبالاخير ولدت بطلق صناعي ..........وطبعا شميت الحلتيتة ....ونقعتها وحطيتها في الفوطة ...
وشربت كف مريم ...وسخنت زيت وحبة البركة وحطيت على بطني وضهري ......وكلوووووووووووو على الفاضي