اختي لا تعتمدين ع الحبوب ... انا بقولج عن اعشاب و طب بديل استعملتهم و الحمد لله قبل لا احمل نظمت هالاعشاب كل هرموناتي و انا دوم انصح فيها الحريم و اغلبهن جربن ....
سيري عند العطار و خذ منه عسل مشبع بغذاء ملكات النحل و بودره طلع النخل و حبوب اللقاح و زيت حبه البركه الاصلي و اخلطيهم في صحن صغير ع قد حاجتج ملعقتين و خذيهم اول الصبح على الريق و اخر الليل قبل النوم ... هالخلطه بتساعدج وايد في تكبير البويضات و تنظيف الرحم و القنوات و تنظم الهرمونات و تنشط المبايض ... بس نصيحه لا تاخذين الجاهز من عند العطار خذي المكونات و انتي سوي في البيت ...
مرقدوش مره في اليوم ينظم لج الهرمونات و عين الجمل يقوي لج المبايض و يكبر البويضات بيوم و اليله ...
طبعا هالخلطات من ثاني يوم الدوره الين يوم التبويض و استمري عليها ع الاقل دورتين و ان شاء الله بتلاحظين تعديل هرموناج..