الله يسعدكم
انا بكتب قصتي وان شاء الله كل تاخيره فيها خيره
اذا على الحب والعشق كله عشته مع شبابي
وتركته وودعته المهم
انا اول زواجي قصة حب حلوه فوق الخيال ربي يسعده يهنيه مع زوجته الجديده
انا تزوجت 3مرات
بعد ماتطلقت رحت اقدم على الضمان الاجتماعي
قلت في نفسي يمكن اخذ سنه سنتين ماتزوجت
المهم بعد سبوع من طلاقي رحت لضمان اقدم اوراقي
ومن بكره جاء بيتنا واحد ماعرفه يخطبني من ابوي وانا في اول سبوع من عدتي
اكيد رفضته لانه من قرايبي
ووافقت على ولد خالي
وتزوجنا وعشت معه 6 شهور
خلاني اكره شي اسمه زواج من مشاكله طلبت الطلاق مره ثانيه
وتطلقت
ماجاء لي اسبوع من طلاقي الثاني
الا الشخص الي رفضته اول مره
رجع وخطبني مره ثانيه
وكلمني ابوي عنه ورفضت
وقلت هذا الرجال مابيه اولا عنده حرمتين وثانيه ماعرفه ومو من قرايبي
المهم كنت ارفض كل مايرجع يخطبني
وكان ابوي قرر يزوجني هالرجال وقال ان خلصتي من العده يكون خير
هالرجال كل بعد يومين ثلاثه بالكثير يجي يتقهوى عند ابوي
كل شوي زايرنا
ومره من الايام جاني ابوي يتبسم ويناظرني
وقال طيعي شوري خذي الرجال
تراه حتى في الحلم حلم فيك
ويقول ان حلمه انه تزوجني واني ابشره اني حملت منه وكان حلمه طويل بس ناسيته هذا الي كنت اتذكره من الحلم
يوم سمعت انه حلم فيني
تراجعت عن قراري بالرفض
وقلت يمكن هو نصيبي وابو اعيالي
قلت بنفسي هي خربانه خربانه خلوني اوافق واتزوجه
منها ابي اساله وشلوني بالحلم يوم جيته
ومنها اجرب حياتي معه
ماني خسرانه شي
وقلت اوافق بس بشرط ماياخذني معه الا بعد مااجيب منه ورعان
اجلس عند اهلي
ووافق على شرطي
المهم تزوجنا ودخلت عليه ليلة الزفاف
تصدقووووووون
اولا الحمد الله والشكر لله
من ذيك الليله وحبه دخل قلبي
والحين ماني ندمانه اني وافقت عليه
وماني ندمانه اني تطلقت من زوجي الاول
والحين مابي زوج غيره
راح يكون ان شاء الله زوجي ليييين اموت
ان ربي رزقني ولالالا
بس متفاوله خير
ان شاء الله ربي يفرح قلبي بالذريه الصالحه
الله يقدرني اسعده وارضيه
هذي قصتي باختصااار