السلام بنوتات صح فطوركم كيف ماشيين مع أجواء رمضان وكيف كتاكيت ديالنا شحال صامو من ساعة ههههه
سمحولي ما طليتش من البارح باش تعاود ليكم كيف دوزت l'aminiocentése
المهم مشيت مع 9h15 دخل معاية راجلي لقاعة الانتظار مع 10h جات عندي la sage femme مشيت معاها وراجلي بقا حيت ما يدخلا معاية القاعة معقمة
المهم دخلتني للغرفة اللي غادي نرتاح فيها من بعد طلبت مني نحايد كلشي كسوتي و نلبس الطابلية و خداتني لقاعة العمل
غطاتني كاملة بغطاء معقم و بقات كرشي كتبان دهنتها مزيان ب بيطادين و دخل الطبيب ديالي ومعاه طبيب آخر يساعده ولبسوا ديك الكسوة ديال العملية ودارو الكمامة جابولي الرعب
المهم دارو الايكو باش يشوفو البيبي فين راه و يشوفوا بلاسة خاوية يديرو فيها الابرة و هاذي كانت صعبة حيت البيبي ما شاء الله كان يتحرك
وهنا فين تعدبت حيت دك الابرة 2مرات والبيبي يتحرك و يحايدها حتى للتالتة وجبد السائل الصراحة هاديك الابرة فاش تدخل نحس عمري خرجت حيت انا أصلا خوافة من الابر و كمل شافله دقات القلب و مشاو
بدلتلي la sage femme الطابلية و خداتني للغرفة ودارتلي ابرة anti contraction عيطت لراجلي جا عندي و بقيت ناعسة فيها 2h30 ومن بعد لبست و نزلت عند الطبيب عاود لي الايكو وشاف البيبي
ورجعت للدار تغديت و نعست هههه