السلام عليكم ورحمة الله وبركاته
مرحباً بنات :"
كيف حالكم؟
ما أطول عليكم ..
أنامتزوجة شهر 10/ 1434هـ
وقبل زواجي رحت لم دكتورة نساء وولاده بسألها, وش يناسبني من حبوب منع الحمل ؟
وللعلم دورتي غير منتظمة, في السنة يمكن تجيني 7 مرات..
قالت لي فيه الياسمين و جينيرا.....
وكشفت علي بالسونار وقالت فيك تكيس, علشان كذا لاتستخدمين الحبوب فترة طويلة..
المهم ضاق صدري, وقالت لي أمي, تعالي نروح لدكتورة أفضل..
رحت للدكتورة نعيمة أبا الخيل , وكشفت علي وقالت فيك تكيس واضح..
قلت لها : طيب أستخدم أي حبوب لمنع الحمل؟
قالت : مايصلح لك الا حبوب ديان35 فقط..
والحبوب الثانية تجيب لك العقم..
وأساسا اللي فيه تكيس صعب يحمل ..
قلت لها: طيب مافيه حل للتكيس؟
قالت: حبوب ديان تقلل التكيس وان شاءالله المستقبل تقدرين تحملين..
استخدمت حبوب ديان 35 لمدة ثلاثة أشهر, ثم خذت عندها موعد حتى تشوف نسبة التكيس, قالت لي: شفيتي تمااااااااما ولله الحمد..
ثم قالت: استمري على ديان إذا ودك تمنعي الحمل,لاتغيريها..
استخدمت ديان 35 شهرين زيادة ثم تركت الحبوب..
جلست بعدها شهرين ثم حملت والحمد لله :""
وأنا الآن بالشهر الرابع, دعواااااااتكم ()