حمدلله على سلامة صاحبتك ومبروك ما اجاها
حبيبتي انا من تجربتي لاني اعاني نفس مشكلتها وصارلي 40 يوم والدة والحمدلله جربت كثير طرق عشان ابرز الحلمة لحتى بنتي تعرف ترضع واللي ساعدني كثير هي آلة شفط الحليب من الصدر كثير ساعدتني وبرزتهم وصرت اعطي بنتي ترضع وتحاول ومع التكرار الحمدلله صارت تمسكهم منيح
وانا كنت ادهن الحلمات وصدري طول فترة الحمل بزيت زيتون واعمل مساج للحلمات باصابعي واشدهم لبرة عشان يبرزوا خليها تدهن زيت زيتون على حلماتها والمنطقة البنية كلها بعد كل رضعة وان شاء الله بيطيبو وبيبطلو يتشققو وينزلو دم
في كريم برضو استخدمته فترة لتشقق الحلمات بالمرز بزبدة الكاكاو معروف بتلاقيه بصيدلية وبكارفور بقسم مستلزمات الاطفال
بتمنى تستفيد من تجربتي وان شاء الله ربنا ييسر امورها وترضع طبيعي