[يآ أرحم الرآحمين]

المشاركة الأصلية كتبت بواسطة همس الايمان

السلام عليكم ورحمه الله وبركاته
معاكم اختكم ام عمر من مصر بقالى 4 سنين متزوجة وحملت فى ابنى عمر علطول
بعد الزواج وخلال الحمل اكتشفت انى عندى السكر واكتشفتايضا انه مش سكر حمل
الحمد لله عدى على خير وخلفت عمر ابنى والحمد الله بصحة جيدة عمره الان 3سنين وسبعة شهور
واخدت حبوب لمدة خمس شهور بعد الولادة وسيبت نفسى لكن محصلشى حمل بعد سنة من الولادة
روحت لدكتور علشان اشوف ايه اللى بيحصل قالى ان البويضات ضعيفة محتاجة تنشيط وبدات العلاج
وبصراحة كنت بتعب جدا اصرف مصاريف كتيرة لكن مبيحصلش حمل فكنت بترك العلاج وعندى امل فى الله انى احمل لوحدى لكن محصلش من ثلاث شهور بدات العلاج لانى تميت 36 سنة وقلت الحق اعمل حاجة والشهر ده حصل حمل ومن اول يوم كان بينرل دم والدكتورة قالتلى ان بطانة الرحم ضعيف علشان الدم اللى بينزل وان الحمل ممكن ينزل وبالفعل من يومين عملت تحليل حمل رقمى والنسبة قلت بشكل فظيع قلت للدكتورة قالت ان البويضة مثبتتش فى الرحم وحتنزل وبالفعل انا مستنياها تنزل دلوقتى ومقلكوش نفسيتى اد ايه تعبانه بعد 3 سنين كان عندى امل انه يثبت لكن قدر الله وما شاء فعل اللى مخوفنى السكر والضغط وحستنى لما الدورة الجاية تيجى وابدأ باٍذن الله العلاج من جديد
انا اخدت كلوميد والدفستون فى شهر والشهر اللى بعده اخدت حقن والدفستون وجابت نتيجة ان شاء الله نحاول وربنا يكرم

اسفة انى طولت عليكم

ا

أهلا بيكي اختي أم عمر الخير في ما اختاره الله ربي يعوضك بما فيه خير لكي كلنا هنا منتظرات الحمل الثاني و فيه اللي منتظرين الحمل الثالث و أملنا في الله كبير انه راح يرزقنا بالحمل ... كرري دائما اللهم أجرني في مصيبتي و اخلفلي خيرا منها كرريها في سجودك و ربي راح يعوضك إن شاء الله ... بس انا انصحك ما تبتدي التنشيط على طول يعني استني على الاقل شهر بعد الإجهاض عشان الرحم يتنظف كويس و يكون جاهز لإستقبال حمل جديد و خليكي على المنشطآت الطبيعية كالأناناس و الجوز و السمسم

مرحبا بيك معنا