[bara]

المشاركة الأصلية كتبت بواسطة alma021

السلام عليكم اخواتي الغاليات ان شاء الله تكونو قاع بخير يارب
انا والله متابعتكم دايما ولكن موليتش نحط مشاركات و ردود لخاطرش كنت دايرة هدف في بالي وماتحققليش والحمد لله على كل حال كنت نطلع ونهبط في الاحلام كنت نقول ماندخلش هاد الايام نصبر حتى يجي نهار الدورة كي ماتجيش ندير التاست وندخل نبشرهم ......... ولكن ... تجري الرياح بما لا تشتهي السفن ....... اليوم شرفت الدورة ااااااااااه والله العظيم غير راني نتالم من اعماق اعماق قلبي ...... على بالي تقولولي رانا حاسين بيك وقاع رانا في نفس الموقف ورانا عايشين نفس اللحظات .....ر ولكن اللي اثر فيا هاد المرة اكثر زوجي والله العظيم غير حسيت بيه يبكي دم من قلبو كي شفتو هكدا نضريت والله دايما عندي الكوراج بصح اليوم راحلي فشلت اه ياربي واش ندير ماباليد حيلة ........ رحمتك يا الله
..... حبيت نقولكم قصتي وان شاء الله لبنات تتفهموني وماتزعفوش مني لاني ماقلتلكم من قبل وهدا لظروف اسمحولي انا في شهر مارس اللي فات عملت عملية تلقيح اصطناعي عملتها في كلينيك الوالدين بالعاصمة ولكن للاسف مانجحتليش عملتها انا ووحدة اخرى في نفس اليوم وبقيت معاها على اتصال هي الحمد لله نجحتلها وراهي الان حامل والحمد لله وانا لا كانت النتيجة سالبة ..مانقدرش نوصفلكم الاحباط اللي عشتو هادوك الايام والحمد لله تخطيت هديك المرحلة.. الشهر اللي بعدو اللي فات قررت نرقي قالي الراقي سحر قديم والله اعلم وانا لليوم مواظبة على الرقية وربي يشافيني يارب ... الدورة الاخيرة هادي اللي فاتت رحت مسدت عند عجوز في منطقتنا يقولو يدها مباركة اعطاتني اعشاب درتهم وكنت مواظبة على الاستغفار وكان عند امل كبييييييييييييييييييير فانو نكون حامل لكن ............. حتى الذكر مانيش قادرة نذكرها
الحمد لله على كل حال هاذا قضاء الله سبحانه فيارب الطف بحالي وحال اخواتي المتاخرات في الحمل ياااااااااااااااااااااااااارب
اسمحولي طولت عليكم ولكن والله غير حبيت نفرغ قلبي وراني نكتب والدموع يسيلو ..... رحمتك يارب

ياحبيبتي ولله حاسة بيك ربي يفرح قلبك في القريب العاجل
وان شاء الله تكون اخر دورة وتجي وتبشرينا

المشاركة الأصلية كتبت بواسطة asma layal

وانت بالف خير حنونة الى الملتقى ان شاء الله

اسماء واش اخبارك