أنا برأيي حبيبتي لا تفكرين تعيشين في بيت اهل زوجج لانج بتعانين الصراحة ع الدخلة والطلعة وع النومة والجلسة يعني أبدا ما راح تاخذين راحتج لاني عايشة في بيت اهل ريلي ويدورون علي الزلة بس صابرة عشان زوجي والجنين اللي ف بطني لين اللي يفرجها واربي بالسلامة واطلع في شقة بروحي .. اذا هو قال لابوج بوفرها بيت وغير كلامه ف الصراحة هذا من الحين يغير كلامه يعني ماله كلمة وحدة .. واذا هو يسمع كلام اهله وايد يعني شخصيته ضعيفة بكره بتتعبين معاه .. واذا يباج تسوين العرس لحالج تراها صعبة هو الريال يعني هو المسؤول واذا هو مش قد الزواج لا يتقدم ولا يتزوج احسن له لين ما يكون نفسه بدال ما تتبهدلين معاه لان الزواج مسؤولية ومصاريف .. دامج للحين في بر الامان خلي عقلج براسج وتعرفين خلاصج وصلي الاستخارة واللي فيه الخير ربي يقدمه لج واللي فيه الشر ربي يبعده عنج يااارب ويرزقج باللي أحسن منه .. ولا تستعيلين وخذي وقتك في التفكير ..
والله يسهل امورج يا قلبي ويجعل لج من كل ضيق مخرج باذن الله ^^..