[ام زهرة الباديسية]

مساء الخير اختي عقيلة نقولك الله يعطيك الصبر والسلامة في راسك وربي يعوضك باربعة في كرش وحدة انه على كل شيء قدير والله العظيم راني حاسة بكل كلمة تكتبيها خاطرش انا تاني خمس سنين زواج وثلاث اجهاضات وولادة مبكرة بتوام بنات كانت في جوان 2012ومن بعدها عام وانا نبكي ما نحب نخرج ما نحب نشوف ناس حتى راجلي سمحت فيه حتى ولييت نخاف من فكرة الحمل واللي راهو يصرالي مع انه عملت ربط عنق الرحم الا ان الله قدر وما شاء فعل والحمد لله رجعت لعقلي رجعلي حلم الامومة وحاليا انا حامل في شهر ونصف ما نكذبش عليك راني خايفة بزاف بصح الشدة في ربي سبحانه والي تجي من عندو مرحبا بيه بصح اذا كان العبد متسبب فيها حسبي الله ونعم الوكيل هذا واش نقولو