ياحلوة يافيفي تدللي كلنا ديما أول بيبي هكي .. ولايهمك زي خواتك..
بالنسبة لشنطة البيبي جهزيها من توا وتسلي فيها ,, أحلى شعور ..
باش تبدي واتية ديما ,,
وهي ألأفضل تبدي توتي من لما تخشي شهر ك وتي شنطتك وشنطة البوبو..
واللبس أرفعي حسب ألأيام يللي بتقعديها
كثري من الملابس الداخلية ,,
حتى السوتيانات لأن مرات يتلبز بالحليب
والقفاطين برأي أفضل وأستر وحتى لأن الجو حيسخن ,,
وتقدري تلبس سروايل أو شورتات ..
ولبنتك أرفعي وكثري لأن البيبي يبي تغيير ديما وتوا أكيد يغيرولها هما فيس المشفى..
أرفعي مثلا 4 كنتيرات وأربع فالينيات
وبيجامات خارجية وقماطين , هذا كان خلوك قمطتيها..
لكن حتى بعد ماتطلعي من المستشفي قمطيها بروحك
وبطانيتين
طبعا هذا لأنك بتطلعي.
بس إجنا في العادة نرفعو ا لبسة وحدة أو اثنين للعيل,..
المشي تمشي بس ماتكثريش باش ماينهدش حخيلك خلي بشوية بشوية كل مرة زيدي فترة المشي شوية ,.,.
ولما تخشي شهرك بإذن الله أبدي في مشروبات الولادة..
موفقة بإذن الله.