[اقصوصه]

ام منصور : والله معااااانااااااااااااه..!
طلعت من البيت 12 وصلت الكورنيش وحده من الزحمه ، تميت اتريه دوري لين 3 اخر شي يوم دشيت عند الدكتوره قالتلي ما يحتاي اسويلج صورة تلفزيون وروحي سوي تحليل دم وانا طبعا عندي فوبيا من سالفة تحليل الدم هاي من يوم سويت تحليل فعيادة خليفه فرمضان واغمى علي من هاك اليوم وانا قايله خلاااااااص ما بخليهم ياخذون مني دم بعد لين اربي ،جان اقولهم انا مسويه تحليل دم فعيادة خليفه اخر رمضان بيبلكم نتيجته وما يحتاي اسوي واحد يديد قالولي تبين تربين عندنا لازم فحوصات قلتلهم تراني مسويه كل هالفحوصات من مده بسيطه شو له داعي اسويها مره ثانيه الحين قالولي والله هاي قوانين المستشفى..! وطبعا مدخليني عند دكتوره هنديه والغرفه الله لا يراويج صغرها، تقولين مطبخ فشقة عزاب ، واقول للنيرس ابا غرفه بروحي يوم اربي تقولي لا ما شي غرف منفصله كلها غرف جماعيه ، قلتلها انزين بحجز جناح في اي بي قالتلي مادري لو يستوي روحي راجعي مسؤولة الفي اي بي، قلتلها طيب وهالدكتوره الهنديه هي اللي بتولدني؟ قالتلي لا احنا فالكورنيش كل اللي يولدون نيرسات مش دكاتره! طبعا عطتني اكثر من صدمه انجلطت فيها ! حتى كراسي الانتظار ابدا مش مريحه شرات اللي فعيادة خليفه مثلا ، عيل ليش يمدحون الكورنيش جيه؟ الميزه الواحده لهم انج يوم توصلين ما يحتاي تدورين باركن ، تعطينهم المفتاح وهم يبركنونلج السايره ويوم تخلصين ييبنوها شرات مستشفى النور، بس باقي السوالف كلها تعبانه :(

اسوم ، اهل الريل دوم جيه ما في شي يديد ، وانتي اكيد هالفتره حساسه بعد ع الحمل و بعد ريلج ، يمكن خوات ريلج مش شريرات بس يمكن يكونون من النوع اللي ما ينتبه ، وانا اشوف انهم ملزومين فيج فما فيها شي لو طلبتي منهم شي ترى انتي حرمة اخوهم وها واجبهم تجاهج ما يحتاي دوم تستحين لا تضغطين عمرج تراج تقولين ان ريلج له عليهم وايد افضال يعني من حقج يوم تحتاينهم يساعدونج :)

ملاك : متى بتروحين مصر؟