السلام عليكم و رحمه الله و بركاته
ازيكم يا بنات انا عضوة جديده هنا في المنتدي و معنديش خبره في اي حاجه و اول مره اكتب موضوع اصلا هو مش موضوع قد ما هو استفسار
دلوقتي انا حامل الحمد لله و لسه متجوزة بقالي 6 شهور كان ليا موضوع حمل قبل كدا و ربنا مكرمنيش و كنت بتعالج لحد ما حملت تاني الحمد لله انا اخر دوره ليا كانت يوم 3/1 الي فات و كان نزيف جامد و رحت لدكتوره كتبتلي دوا و وقفلي النيف الحمدلله بعد 3 ايام رحتلها يوم 7/1 كنت طاهره و في نفس اليوم حصل جماع بيني و بين زوجي و الدوره مجتش و روحت للدكتوره تاني عرفت بحملي الحمد لله و متابعا معاها لحد دلوقتي بروحلها مره كل اسبوعين انا علي حسبتي مفروض اكون دلوقتي في الاسبوع ال 11 بس لما روحتلها و شافتني في السونار خضتني اولا قالتلي انتي لسه في الاسبوع التامن يعني قفلتي شهرين واحنا غالبا بنشيل الاسبوعين دول و قالتلي ان البيبي صغير لسه عمره تقريبا شهرين وانا زى ما قلتلكوا انا كل الي حواليا حاسبنلي اني دلوقتي في اخر اسبوع في التالت انا بصراحه مفهمتش هيا ليه شالت مني اسبوعين و ازاي انا لسه في اول التالت لو حد عنده خبره في موضوع الحسبه دا يا ريت يطمني و هل كدا الجنين حجمه صغير لدرجه تقلق مع اني والله بتغزي كويس قوى و لسه بطني ما كبرتش خالص :( انا قلقانه و عاوزه اطمن مع العلم ان انا بكريه ودا يعتبر اول حمل سليم ليا ..
شكرا ليكو و ادعولي ربنا يثبت حملي و يجعله سليم معافي بدون زياده او نقصان و يقومني بالسلامه انا و كل الحوامل يا رب ان شاء الله