[jiji belle]

المشاركة الأصلية كتبت بواسطة أمة الرحمان السلفية

اخوتي في الله حبيت انقللكم خليكم من الاعراض الى قبل الدورة ماديرولهاش حساب وتقعدو تتحسو وتمرضو في روحكم وغير دريلكم روطار يوم ويومين تقعدو تحلمو وتخمو خلوها على ربي انا في اجهاض اخير كانت عندي اعراض قوية بعد اسبوع روطار كنت كي نوض صباح اندوخ وراسي يولي يوجع ونتقيا ولعاب طول الوقت يسيل ومرة كنت ريحا للعاصمة وانا منتقبة حرة كيفاش ندير ثم الى فقلي زوجي من قبل كي نكون نتقيا ودوخة كي يسقسيني نقولو القلون هو الي رهو يديرلي هكذا وماحبيتش انطمعو وهذاك اليوم حشكم كنت في حالة من القيا ولعاب طريق كامل وانا فمي يسيل قلي واش بيك ماكنتيش هكذا وليت ديرا منشافة تحت انقاب وانا حالتي حالة و بعد جبلي التاست وقلي بصح بشرط ماتتقلقيش كيما جات خليها على ربي وانا كنت حللت من قبل وماقتلوش وبعد زدت درت التاست الى جابولي وبعد ايام اجهضت ورحت لطبيبة وحمد لله ماتقلقوش روحكم ركم تمرضو من الحسبات هو صدري منفوخ هني دخة هو عندي افرزات انتي تمرضي وهو يفرح ويبني امل وبعد ايام تشرف لالة ويتبخر كل سيئ ربي يفرج علينا ويرزقنا الذرية الصالحة امين

صح امة عندك حق
بصح وين راه القلب لي يخليك ما تخميش رانا ضعاف و بلا ما نفيقو نوليو نحسبو
ربي يعطينا الصبر و يرحم ضعفنا
انا نطلب حاجة برك من ربي اني نولي ننسا و منفكرش و كيما يجيبها ربي تجي
و على المربح نتاعي في اللول هو لي كان يحسب اكثر مني و هو لي يروح و يجيبلي التاست انا نقولو ما تجيبش و هو يروح و يجيب و ديما النتيجة سلبية
و دورك خلاص ولا ما يجيبليش كره كي نتفكر قلبي يولي يحرق بصح نقول خلي كي ينسى خير من يتامل بزاف ............
ربي يجيبها في الصواب و خلاص