[um fatima]

المشاركة الأصلية كتبت بواسطة f6omah

سلام من الله عليكم اجمعين ..

ودي اسأل كم سؤال

- الشيبسات وكثرة اكلها تضر الجنين ؟

- العلك وبلعه اثناء المضغ خاصة ان كانت عادة هل تضر ايضا ً؟

وشكراً جزيلاً لمن تجيبني

هلا اختي اخبارش ويلكمو بش في تجمعنا ..
باجوبش باللي اعرفه .. الشبسات كلها الوان ومواد صناعيه ومواد حافظة هذي مضرة للجسم بشكل عام و حطي في بالش انه اي شي تاكليه الجنين يتقاسمه وياش سواء بالفائدة او الضرر .. غير كذا انه يحتوي على نسبه كبيرة من الاملاح اللي ما ينصحو بها خلال فترة الحمل .. حاولي تقللي على الاقل مرة او مرتين في الاسبوع احس تكفي .. واذ ماتقدري سوي لش بوب كورن وقللي الملح على الاقل افضل من الشبسات واذا مليتي وحبيتي تغيري جيبي لش بطاطس بدون ماتقشريه وفطعيه حلقات جدا رفيعه وحطي فوقها ملح وفلفل اسود وزيت زيتون وعلى الفرن بتطلع مقرمشه ولزيزة كنش تاكلي شيبس ليز بالضبط ..
هذا بالنسبه للشيبس اما العلك مادري اذا كان مضر اولا بس احنا متعلمين من يوم احنا صغارانه مو زين اذا بلعناه بس مادري ليش واني من يوم بنتي صغيرة لاحظت عليها انها لما تاكل علك وتبلعه يجيها امساك قوي على طول علشان كذا صرت اخوفها وقامت ماتبلعه ..
هذي معلوماتي واجاباتي على اسألتش وان شاء الله باقي البنات يفيدوش ..