واش نقولكم انا كنت متخوفة من هاد الراقي لاني ما نعرفوش و اول مرة نروح لعندو و اصلا والفت على الراقي تاعي الاول مي الله غالب الظروف خلاتنا نروحو لعند هذا
المهم قالي ننصحك حبسي الرقية و ديري غير الحجامة و شربي لعسل وحدو ع الريق و تابعي دوا تاع الطبيب و خلاص و قالي بلي هذا كامل راهو من تخيللاتي و بلي انا ما عندي غير عين خفيفة و راني نفسيا نضخم في الامر هههههه تخيلو قريب نضت و خليتو
يعني الشي الي صرافي كامل و يشوف الحركات اللا ارادية الي قاعدة تصرالي و يقولي نفسيا ديجا انا و لا فخر ماكاش وحدة كوراج اكثر مني في الرقية و في التعامل مع الاعراض و الممس و في مقاومتها بشهادة الراقي الاول الي كنت عندو هو و خالو راقي معاه
يبقاو حايرين في سبحان الله دوخونا الرقاة و الطبا كل واحد واش يقول ربي يفرج علينا و خلاص نتهناو منهم كامل