كنت اقول
وكنت اقول.....
وما وعيت إن الكلام اكثر من اللآزم خطآء
وبنهاية اقتنعت بسطر بيت العطآء اكثر من الﻵزم غباء
ءمع احترامي لك يا اختي بس هذه اﻷبيات الي كتبتها دائمآ بتحضرني لما اسمع شكوى شخص من ناس تعامل معاهم بكل حنية ومحبة و ود وفي النهاية خذلوه
والشكوى من معاملة اهل الزوج لكنتهم دائمآ اتلقاها من الكنات الي تعاملوا مع أهل زوجهم بود ومحبة اكثر من لازم مثل ما انتي حكيتي
اختي اﻷعتدال في التعامل مطلوب مع كل الناس مش بس مع اهل الزوج
فا فطرتنا كا بشر تجعلنا نتعلق بالشخص المعتدل في تعامله ونتحاشى التعامل مع من يكرمنا بشكل مفرط او يهملنا بشكل مفرط يعني خليك معتدلة ماله داعي انك تغسلي لها ملابسها وتشيلي شغل البيت كله على راسك صدقيني شو ما عملتي ما رح يشكروك ورح يشوفوا في الي انتي بتعمليه هوه بس حتى تتحصلي على إرضائهم وهما رح يعيشوا عليك الدور وكأنه برضاهم عنك رح يدخلوك الجنة
وهذا الي بيصير مع تعاملنا مع كل شخص في حياتنا حتى اﻹخوة واﻷصحاب والجيران لازم نكون معتدلين وما نعطي لحد اكثر من المفروض ياخذه منه ما بدي اقولك تعاملي بالمثل لكن خلي تعاملك يكون اساسه كيف تفرضي عليهم انه يحترموك. وبعدين نجي للواجبات والحقوق ...الي من واجباتك اعمليه ولو حبيتي اتضيفي على واجباتك ضيفي الي انتي حابة تعمليه ﻹنك انتي بتحبي تعمليه
يعني مثﻵ انا بعد زواجي بشهرين رجعت لبلدي الي هيا كمان بلد زوجي واضطرينا نبقى في بيت العيلة *عيلة زوجي *لمدة 5أشهر وكنت بتصرف بطبيعتي مع 7حموات
يعني هما الحق يقال انهم مشاء اﻷه عليهم تعاملهم راقي وقائيمين ببيتهم وابوهم الي هوه والد زوجي ومش محتاجين لمساعدة احد لا انا ولا غيري لكن انا بحب اساعد الناس الكبار في السن فا لما القاه جالس وحده بدخل لغرفته وبعرض عليه المساعدة او بحكي معاه. يعني ﻹني انا حابة اعمل هي مش ﻹني حابة ارضي احد إلا رب العباد طبعآ
كمان بعد الغداء بدخل اعمل كيك واحيانآ اقولهم بكرى انا رح اطبخ الغداء...وذلك ﻹني انا بحب شغل المطبخ ومشتهيه اني اسوي هيك ما بدور على مرضاتهم او شكرهم فمرة وحدة من خوات زوجي سألت زوجي إذا كان انا بطبخ في بيتي مثل ما بطبخ عندهم والا بس بستعرض عضلاتي. عندهم
فا جاوبتها قبل ما يجاوب زوجي انا بحب شغل المطبخ ولما بسوي أي شيء عندكم بسويه بكيفي وﻹني بحبه ويجيك يوم وتشوفي كيف مخليا بيتي جنة وكيف ان زوجي قاطع المطاعم بعد ما تزوجني
فمن ذاك اليوم وما يقدر احد يستوطى حيطتي
فيا ريت اختي أنك توضعي حد لتصرفاتهم معاك بتعديل تصرفاتك معاهم
وموفقة