انا مره جربت اخذت كلوميد بالدوره و بعد ما خلصت سويت صبغه و بعدها بيومين صار جماع بموعد التبويض
بس الحمدلله ربي ما كتب احمل
وضعك تقريبا نفس وضعي
بس نصيحه سوي الصبغه بشهر لوحده قبل الكلوميد و بعدين اذا ما حملتي جربي الكلوميد الشهر اللي بعده
لانه بصراحه انا جربت كلوميد مرتين قبل الصبغه و كنت استجيب للمنشط بعدين بالصدفه قريت عن اشعه الصبغه بالنت و انه حتى لو كنتي سليمه ما راح تحملي لان الحيوانات ما توصل للأنابيب عشان تلقح البويضه فأيش فايده التنشيط و انتي مو داريه اذا انابيبك مفتوحه او لا
بعدين طلبت من دكتورتي انها تعملي الاشعه الصبغه يعني انا طلبتها بنفسي مو هيه اللي قالت لما سويتها اخذت منشط معاها بنفس الشهر طلعت الانابيب مسدوده بس فتحتهم بالماده
و ما اعطتني مضاد حيوي لا قبلها و لا بعدها الله يسامحها
فالنتيجه التهابات ادت الى قرحه الرحم و الشهر هذا كويتها الحمدلله
معليش طولت عليك بس ما ابغى يصير فيك اللي صارلي و زي ما يقولون اسال مجرب و لا تسال طبيب
بس طبعا الطبيب لا غنى عنه بعد الله
ربي لا تذرنا فردا و انت خير الوارثين