[خوله 2014]

المشاركة الأصلية كتبت بواسطة جوهرة ليبيا

مرحبا سوسو

صحتين الغدئ وحطي صورته لاني معرفتاش

خوله مشكورة عالشرح وياريت اتقوليلي طريقتك في العجينه لان حاليا ماعنديش

ادللي يا جوجو بالنسبة للعجينة زي عجينه السمبوسة تاخدي يا حنه دقيق ورشة ملح ورشيشة سكر باش ساهل تحميرها وماء دافي تعجني تعجني لين تولي عجينه رطيبة طبعا سامحيني عالمقادير اني عيني ميزاني وبعدين اتخليها ترتاح شوية والافضل انك تقسميها كور كور وصغار ايكونو وكتري بحيت كل كوره تمتل طبقة وبعد ما ترتاح ابدي افردي كل كوره بالنشاء والنشابة بحيت مش هلبا يعني لانك بعدين بتحطيهم علي بعض وبتفرديهم مع بعض يعني متلا درتي 12 الكوره او قرص تاخدي 6 اقراص وتبي تفردي كل وحده بروحها اشوية بالنشا وبعدين تحطيهم علي بعض مابينهم دقيق ونشاء وافردي لين اتحسي انها بدق رقيقة كفايه وافصليهم من بعض وستفيهم في طاجين مدهون بالزبدة وايضا كل طبقة ادهنيها بالزبدة وبعدين حطي الحشوه وبصراحه احلاوتها فستق والله اتقول جاهزة بنتها روعة وكملي الست اقراص التانية بنفس الطريقة وقصصيهم وراك تنسي تدهني الوجه بالزبدة او السمن زي ما تحبي وعسليها وهي سخونه وبالهناء ان شاءالله
ان شاءالله ما نقصت عليك شيء الطريقة بالتفصيل الممل ههههخخ