والله على حسب الوحام فيه حريم محضوضات
مايعانون من الوحام وفيه بعضهم نهاية الثالث ينتهي وفيه بعضهم مستمر معهم تماماً مثلي
انا في بداية السابع والى الان اعاني من
الغثيان والاستفراغ بشكل يومي
بس بقولك شي ممكن يساعدك
من ناحية الاستفراغ جربي تمشي على حمية غذائية واكل خفيف مرة
الاشياء اللي فيها ملوحة وقفيها هي اللي تجيبلك حموضة
وكمان الاشياء السكرية هي اللي بتستفرغي بعدها على طول ! بعض انواع التشوكليت تسبب حموضة
واستفراغ الله يعينك
الحليب جربي حليب السعودية وعصير سنتوب اخف على المعدة
لاتشربي السوائل دفعة وحدة حاولي تشربي شوي شوي هالنوعية من السوائل
الشوربة كثري منها ترى هي احن صديق عليك وقت الوحام
انا بصراحة كل ماافطرت استفرغت
شربت عصير شاي عصير فرش حليب كله مافاد
اروح للدوام واعاني من الغثيان واستفرغ بعد معاناة !
فصرت ابدى بالافطار على ٧ تمرات الساعة ٦ ونصف
وبعد الساعة ٨ ابدى افطر شي خفيف فطيرة وعصير سنتوب لانو زي ماقلتلك خفيف على المعدة
وعندك بعد مشاوير السيارة تاثر عليك وتجيبلك الاستفراغ
شوارعنا مكسرة ورايحة فيها ومطبات واكيد مع حركت السيارة بتنخضين زي البيبسي اذا انخض !
وبتستفرغين واحتمال تستفرغي بالسيارة بسبب حركة السيارة
وبعد الساعة ١٢ لاتكثري شرب سوائل
الا شوربة وشوية ماء وحاولي تشربيه شوي شوي !
الله يكون بعونك والله
انا عانيت مافيه شي يخفف الوحام اخذت الليمون ! اخذت الزنجبيل اكلت بسكوت جاف شابورة بقسماط
ابد مافاد زاد علي الغثيان
ابعدي عن روائح العطور والشاور جيل هي اللي تجيبلك الاستفراغ
ان كان لابد بخور عود وخفيف وبس
الله يعينك الوحام بتعانين منه اذا انتي محضوضة بتخلصين بالاسبوع ١٣ !
موفقة حبيبتي