السلام عليكم كيف حالكم
وينكم اليوم ماخش حد العفو؟
تعرفوا قبل شوية حصلتها رعشة قريب سوما مشت فيها لاسمح الله غير ربي ستر الحمد لله
اني لاهية في المطبخ وهي خشت لدار النوم واخدة عليها ديما تخش عادي ياتلعب بالباب تسكر وتفتح يااما تلعب بالعابها محطوطات في الوطا في الدار المهم ماسمعتش صوت الباب ولاصوت لعب بالعابها استغربت قعدت انادي وهي مسكتة قبل لما انادي تقعد دراحها تناشب فيها تمتم في كلمات مش مفهومات وتضحك المهم استغرب مشيتلها لقيتها مصبية علي السرير عالحاشية والمشكلة الدار مش مفرشة وهي عاطية بالقفا يعني راسها من وراء كان طاحت راهي جت علي وراها عالزليز والسرير عالي شوي شوفوا معناها كان انقلبت راهو راسها انفتح لاسمح الله
والمشكلة الاكبر لما خشيتلها معاش عرفت كان منقدم نجري بتجري هي واطيح خلاص والله في لحظة فقدت الامل وقلت خلاص هاذي سلامتها مش عارفة كيف مرت عليا هاللحظة وكيف قدمت بدون وعي وجبدتها خلااااص قعدت نبكي وحمدت ربي وسجدت سجدة شكر وقلت في خاطري الحمد لله والله الا اكيد دايرة خير مع حد باش ربي ستر ونجاها لانه خلاص كان فاضلها شعرة عالطياح
الحمد لله ياربي الحمد لله كما ينبغي لجلال وجهك الكريم ولعظيم سلطانك