هلا عزيزتي الغالية فروسة ,, الله غالب حبيبتي شن بديري بس ماتنقميش على نفسك ولاتحملي نفسك مالاطاقة لها به ,, ربي يعاونك وييسرلك ويسهل عليك ..
باهي شن بنقولك مممممممم حاولوا اديروا حل مثلا معاش تخليهم يرقدو في النهار ابدا ..
أو مثلا متخليهمش يرقدو لوقت متأخر مثلا للعشية موخر
توا أنا ريم كانت ترقد القايلة وبالليل تقيمها
وبعد فترة صارت ترقد موخر والصبح توض موووووووووووووخر
وبالتالي الليل تعطططططططططططل باش تقد بعدنا احنا مرات هخهههههههههه
وتوا هاليومين انوضها بكرييييييي لقيت روحي بالليل مرتاح تطيح ترقد ,, وبالنهار مانخليهاش ترقد ولو رقدت شوية وتنوض أو ترقد بكري الظهر مثلا .. لينا يومين في هالنظام وربي يستر..
طبعا أكيد من المعروف انه الطفل لازم يرتاح في نومه في النهار باش يرقد باللليل لأنه لو تعذب بعدم النوم نهارا حيأثر عليه بالليل ..
بس هذا كنظام يعن تنظيم وقتهم بس ..
وبدات فروس كبير مفروض..
وديري حل للحاجة يللي ينوضوا على خاطرها ,, مثلا لو مغص أعطيهم مهدئات ولو هكي بدون سبب ,,حاولوا اديرو حلول تريحهم ..
بس بصراحة السهر هكي طول الوقت مش حل أبدا لو كان صغار رضع ممكن بس هما كبار وهذا مش حل بكل بصراحة
صح ولا شنو ..