السلام عليكم كيفكم يا احلي كروشات ؟؟ انا جديده في المنتدي اتمني تقبلوني بينكم والله انا حالتي حاله حقولكم قصتي من البدايه واخيرن وبعد سنه و9 شهور زواج اناا حامل بس في البدايه كان عندي اكياس علي المبايض ومقاسهم 2 سم تقريبا وكنت ناويه اخد هادا الشهر منشطات وابر تفجيريه بس الحمد لله ربنا اعطاني احلي هديه وحملت بدون منشطات بس الاكياس مازالت موجوده سويت تحليل دم طلعت حامل وتاني يوم روحت الدكتوره وسويت سونار ما بان الكيس راحت سوتلي سونار مهبلي وبان الكيس الحمد لله وكان مقاسو 6 ملم بس قبل لا تشوف الكيس حسبت اخر دوره وقالتلي انتي حامل في 5 اسابيع ونص استغرب مرا لان دوره وحده بس ما جاتني ويعني ما لحقت بس راحت قالتلي راح اسويلك موعد بعد اسبوعين عشان نشوف الجنين جوه الكيس ونشوف دقات قلبو كمان انا مرا فرحت واتحمست وجاه اليوم الموعود اللى حشوف فيه جنيني اللى هوا امس يوم الاتنين روحت سوتلي سونار عادي بان الكيس بس مو باين جنين والكيس كبر صار 9 ملم راحت سوتلي سونار مهبلي وبان الكيس ومو باين الجنين راحت الدكتوره صدمتني وقالتلي لازم ننزلو لانو فاضي ومافيه جنين واشربي كف مريم وامشي الين ما ينزل الكيس وانا من الصدمه ما نطقت بس سألتها مو لسه بدري انو يبان قالتلي لا لازم يبان وقولتلها طيب خليه كمان اسبوع قالتلي مافي فايده هوا صار زي اللحمه الفاسده المهم انا ماسمعت كلامها وطنشتها وبدور علي دكتوره تانيه بس ام زوجي حسبتلي من اخر دوره قالتلي انتي لسه في 5 اسابيع وبدري انو يبان امانه طمنوني وقولولي ايش اسوي؟؟؟ مع العلم انو اخر دوره 23 صفر وانها ما سوتلي تحليل رقمي ولا شئ امانه ردوو عليا حالتي مايعلم بيها الا ربنا مني عارفه اسمع كلام الدكتوره وانزلو ولا ايش اسوي انا تعبانه مرا واسفه علي الاطاله وعندي امل انكم ما تطنشوني