[سمراء]

المشاركة الأصلية كتبت بواسطة basouma26

انا راني في الاسبوع السابع و 3 ايام رحت للطبيبة تعطيني دواء على ليسطومة و تعطيني باش يديرلي الطبيب الايكو و نشوف الكيس و النبض هاد الوقت بالذات درته ببنتي بسمة و طحت في طبيبة مليحة فهمتني على الكيس و سمعت النبض مليح زادت للفوليم خرجت من عندها مطمنة

و البارح دخلت للسي خونا و غير حط لاباراي قالي ما كان والو راهي غير حاجة صغيرة تبان قتله بصح راني عاد الاسبوع 7 قالي لا لا هدا صغير بزاف على 7 قالي ما تاكليش الاسبرين اللي عطاتك الطبيبة ما ناكلي والو خليه بالاك يهود وحدة انا تم فشلت قعدت نقول غير الحمد لله يا رب

و من بعد قالي نجرب الفاجينال و كي داره قالي لا لا ما تتخلعيش وقيلة راه نورمال و تم بغ يحبس قتله بصح وين راه النبض قالي راه كاين قتله بغيت نسمعه قالي كاين و خلاص بانلي ماشي مهتم خلاص

و كي خرجت برا كان راجلي يستني شاد بنتي طرطقت نبكي كي قتله دخل بهدل هاديك السكرتير قاليها اول حاجة مرتي ما يكشفش عليها راجل و الثانية هدا ماشي طبيب المهم دار معاهم ديقا و خرج

و قالي ادا تعاودي الايكو و لا لا قتله نزيد نصبر للاسبوع 12 ان شاء الله و نشوف

تي لمهم متقلقيش روحك ختي وكلام بسومتي تبعيه عدك الحق في كل كلمة قلها الطبة تاع اخر زمنن صح كاين لميعرفوش لمهم يدو دراهم معلبلهمش وعندو الصح فيهم لمربح تاعك نتي متقلقيش برك وصبري وبدلي طبيب يعود عدو خبرة وطايح عليه الغاشي ربي يجيب الخير ختي.