اولا حبيبتي هوني عليك الحياة كلها مشاكل مافي حدا مرتاح لا يلي عنده قصر ولا يلي عنده غرفة اذا زوجك معاملته منيحة معك اصبري ولك الاجر
وبنات حماك هدلون شكلون غيرانين منك اذا عم تقولي اعمارهم فوق الثلاثين وانت صغيرة ومتزوجة
نصيحتي اذا عندك غرفة زيادة ممكن تجيبي فرن صغير وبتوجاز او تجيبي مايكرويف
بس الاحسن بتوجاز وتطبخي ببيتك اكلات خفيفة وسهلة
ساوا جمعية او خدو قرض من البنك وابنو مطبخ صغير بكرا بصير عندك بيبي والطفل بدو اكل بعد ال6 اشهر كيف بدك تجهزي اله وكيف بدو يكبر بدون نقص بالتغذية وانت حامل حرااام لازم تاكلي
وبعدين هذه الفترة لاتستحي كلي متل ماهنن بعاملوكي انت طنشي واعتبري نفسك قاعدة لحالك على الاكل وكلي وتغذي
بالنسبة للمشاوير روحي انت وزوجك لوحدكم بتكسي او مواصلات ماضروري مع العيلة اصلا بتاخدو راحتكون اكتر بالطلعة
وربنا يصبرك ويهدي اهل زوجك