[79ooni]

*



نصيحة لا تختلفين معه وأنا أختك ..
ولا تعلمين أهلك بهالموضوع انتبهي ثم انتبهي ثم انتبهي ..
ترى أنا أعرف وحدة كذا، علمت أهلها والحين أهلها يفكرون بزوجها تفكير مو زين ..


فـ أنتٍ حاولي تروقين، وقبل كل شي تحسنين الظن فيه وتفكرين بكل شي جميل سواه لك،
إضافة على ذلك عندك حل على مرحلتين :
تقومين يوم من الأيام وتقولين له حلمت إن زاد راتبك وصار 20000 تصدق لو تصير بفرح لك من كل قلبي لأن ما أحس في أحد عنده ضمير في الشغل مثلك، ومن هالكلام، وبنقتصد أكثر علشان تحقق أي شي خاطرك فيه ..
(هذي المرحلة الاولى اللي هي التمويه والنغزات )، شوفي وقتها شـ ردّة فعله هل يصارحك أو يسكت !
ولو سكت لا تقومين الدنيا ..
إبدي بالخطوة الثانية :

تحددين يوم تخصصينه له، تودّين البيبيّات بيت أهلك، وتخلقين جو جميل ..
وتلعبين معه لعبة الصراحة وإسأليه من خلالها كم راتبك ؟ ، يمكن ما يقول الإجابة الحقيقية بس تماسكي ..
وعن هالجلسة خلينا نقول إنها تكون (جلسة صفا) ..
يعني كل واحد يقول أو يكتب للثاني اللي بخاطره، بحيث تتفقين معه إن هالجلسة لسَد التقصير من بين الطرفين ..

(اهتمي تكون ليلة رومنسية تماماً، يعني سوي شي ما قد سويتيه من قبل، وبعد ما تحسينه خلاص وصل لـ شسمه وصار اللقاء، خلك مجهزة ورقة تحت المخدة كتبي فيها /
ولا مرة من تزوجتك كذبت علي، والشي اللي بخاطري ماراح أعتبره كذبة، بعتبره شي خبيته علشان تفاجأني فيه .. لأني ما أسمح لعقلي إني أفكر لوهلة إنك كذا ..

وبعدين صارحيه إذا سألك إنك عرفتِ بس بكل هدوء لا ترتفع طبقة صوتك، ولا يبين على ملامح وجهك إنك معصبة، ويا حبّذا لو بكيتي ..


والله يهدّي بالك وباله ويريح قلبك يا عزيزتي ..
واسمحي لي ويسمحون لي البنات ع الإطالة *