[MISs SoMa]

المشاركة الأصلية كتبت بواسطة كلمة ود

صباح الخير على احلى بنات ( بنات المدينة )
أنا جديدة ع المنتدى ومسجلة بس عشانكم
وجديدة كمان ع المدينة ليه شهر يادوب ساكنة فيها و مرررررررررررة مبسوطة
لولا شويتين الشووووووق لأهلي بجدة و مكة
وحابة أهرج معكم لأني بجد ما أعرف أحد هنا و جالسة بالبيت السنة هادي
أنا عندي بنتين و مخططة للحمل الشهر هذا إن شاء الله
طبعا كنت ناوية أتابع حمل في الألماني لأنو قريب أولا و تاني شيء كنت متوقعة أنو أفضل مستشفى زي في جدة
بس بصراااااحة اتصدمت من أول زيارة لقسم الأطفال كل شيء يوحي أنو مهجور
غير الكشف اللي أي كلام على بنتي أصلا ما بطالع فينا مرررررررة حالتهم صعبة و كشيت منهم
وفي نفس اليوم دخل زوجي قسم الأسنان ودا حكايتو حكاية دكتور شكلو جديد كل شوية يعتذر أنو النظام جديد عليه بس الممرضة هي اللي بتوجهو فخرجنا و إحنا حاطين ع المستشفى x
لأنو بجد مو مريح
إن شاء راح استفيد من كلامكم عشان اقرر لأي دكتورة راح أروح أتابع معاها الحمل لأن الولادة إن شاء الله بجدة
أنا ولاداتي قيصرية و هنا الوضع بصراحة مخيفة
معليش طولت عليكم بس بجد مكبوووووتة من الوحدة هنا
الله يقومكم بالسلامة يارب

آهلين يآعسـل
نورتي آلمدينه وآلتجمع كمآن
ربنآ يرزقك بإللي تتمنيه يآقمـر
وعقبآل مآتحملي وتنظمي لينآ
وإزآ عـ آلدكتوره روحي لـ مآجده فـ آلموآسآه وإنتي مغمضه
صح آنو مرررآ زحمه عندهآ بس وآللهي تستحق آلآنتظآر
ولآ طولتي ولآ حآجه يآعسل آعتبرينآ متل آخوآتك
ربي يسعدك يآآمورآ