السلام عليكم
انا هذا الشهر رحت عند مراخه
قالت لي عنها صديقتي راحت عندها ولما دهنتها بنفس الشهر حملت
قلت اجرب تعرفوو نبقى بس خيط امل للحمل
المهم انها دهنتني ثالث يوم الدوره لمده ثلاث ايام وقالت لي تدفي زين وارتاحي
بنات احس اني صج صرت خفيفه وتجيني آلآم برحمي احيانا بس صج بعد التدهن خفت كثير
قالت لي عندي لويه بالرحم حصاه ملتويه اقولها شنوو يعني قالت عروق متجمعه على بعضها
واحس اسفل بطني زي الخشن شوي قبل التمريخ ولكن بعد التمريخ صار بطني لين واحس نفسي خفيفه وارتحت
لكن بنفس الوقت احس صج يبي لي ارتاح لانو مجرد طلعت من البيت وماكنت لابسه زين وضربني الهوى برد شويه
وحسيت جاني الم بظهري احس صج ماقدر اسوي شي بسرعه احس بتعب
وعطتني شي زي الكور زي الحصى مرره صغار قالت لي احط كل يوم وحده اذا فيني التهابات تروووح
وتداويني اقولها شنو هذا عشبه يعني ولا شنو زي اللي حسيتها ماتبي تقول
تقولي هذا دوا يتداوون به الحريم انا بصراحه خفت ولا ستعملتهم شكلهم مرره غريب
وقالت لي الدم راح يخف وصج خف حيييل
استغربت مو المفروض ينزل اكثر عشان ينظف الرحم
بس مدري لمتى بضل كذا زي اللي تعبانه ولازم اتدفى زين بكرا عندنا زواج ولازم بتعرض للبرد خايفه يضرني
ودي اسمع تجارب اللي راحوو عند مراخات شنو حسيتو بعد التمريخ صرتو احسن
وهل حملتو بنفس الشهر او بعد كم