السلام عليكم
انا متزوجه من سنة وكان عندى نفس المشكلة وفضلنا تايهين اربع ايام واستخدمنا كل الطرق من الشفاط والحلمة السيليكون بس كلها حلول مؤقتة والحمد لله ربنا بعتلنا واحدة جارتنا كان عندها نفس المشكلة وحلتها
الحل كالاتى
اشترى سرنجه 20 مللى
اقطعى السرنجة من ناحية السن بالسكينة عشان تدخلى الحلمة جواها
اقلبى دراع السرنجة بالعكس عشان الشرشرة مكان القطع متعوركيش
حطى السرنجة على الحلمة وشديها بسرعة وبقوة لحد ما تحسي بوجع رهيب عشان السرنجة هتعمل شفط للحلمة وهتطلعها لبرة
وانتى بتشدى متدخليش الدراع تانى
انتى تشديى اليد وبعد كده تشدي السرنجة كلها عشان تسيب الحلمة واقفة
بعد كده تحطى النونو على صدرك على طول
وهيرضع انشاء الله
مرة فى مرة الحلمة مش هتدخل لجوه تانى
معلش الطريقة دى مالمة بس هو ده الحل
وفى ظرف مرتين او تلاته البيبى هيرضع بسهولة
ارجو النشر للافادة